डेढ महिनापछि वाई–१२ को पहिलो उडान, अझै तीन विमान ग्राउन्डेड



राष्ट्रिय ध्वजावाहक विमान सेवा कम्पनी नेपाल वायुसेवा निगमको वाई–१२ विमानले डेढ महिनापछि पहिलो उडान भरेको छ।

पाइलट अभावका कारण ग्राउन्डेड भएको उक्त विमानले शुक्रबार बिहान काठमाडौं–दाङ र दाङ–काठमाडौं उडान भरेको निगम स्रोतले जनाएको छ। लामो समय बिरामी बिदामा बसेका पाइलट निपेन्द्र भट्टराई पुनः काममा फर्किएपछि उक्त विमानले उडान भर्न सुरु गरेको हो।

वायुसेवा निगमले वाई–१२ का अर्का पाइलट उद्धव घिमिरेलाई ए–३२० को प्रशिक्षणमा पठाएको विरोधमा दुई पाइलट गत माघ २९ गते (जनवरी ३१) बाट बिरामी बिदामा बसेका थिए। उनीहरु बिदामा बसेपछि निगमका तीन विमान ग्राउन्डेड भएका हुन्।
निगमको आन्तरिक विवादका कारण लामो समयदेखि बिरामी बिदामा बसेका दुई पाइलट निपेन्द्र भट्टराई र सञ्जय बादे फागुन १३ र १६ गते नै काममा फर्किएका थिए।

उनीहरु २० दिनभन्दा बढी बिदामा बसेकाले विमान उडाउनुभन्दा पहिलो पुनः मेडिकल जाँच गर्नुपर्ने भएकाले उडान भर्न पाएका थिएनन्। नेपाल नागरिक उड्डयन प्राधिकरण (क्यान) सँग समन्वय गरी पाइलट भटट्राई मेडिकल जाँच गरी पुनः काममा फर्किएका हुन।

अर्का पाइलट सञ्जय बादेकोे सीप परीक्षण प्रमाणपत्र (पीपीसी) को म्याद सकिँदा उडान भर्न पाएनन्।

यसअघि नै पीपीसीको म्याद सकिएका वाई–१२ का पाइलट आङनुरी शेर्पाको पीपीसी नवीकरण भएको छैन। शेर्पाको नवीकरण भएपछि मात्र बादे पीपीसी नवीकरणका लागि चीन जानुपर्छ। दुबैको पीपीसी नवीकरणका लागि केही समय लाग्ने निगम स्रोतले जनाएको छ।

शेर्पाको पीपीसी नवीकरण नहुँदा ३ पाइलट कामबिहीन
प्रशिक्षक पाइलटसमेत रहेका शेर्पाको पीपीसी नवीकरण नहुँदा नयाँ थप गरिएका २ पाइलट पनि कामविहीन भएका छन्। निगमले शेर्पा चीनवाट फर्किएपछि नयाँलाई तालिम दिने योजना बनाएको थियो।

नेपाल वायुसेवा निगमका सहप्रवक्ता नवराज कोइरालाले शेर्पा पुनः केही दिनमै चीन जाने तयारी भएको बताए। चीनमा २ दिनको तालिम सकेर नेपाल आएपछि शेर्पाले केबी लिम्बु र फिजुनाथ नेपालीलाई एक दिनको तालिम दिने तालिका छ।
वाई–१२ विमानका पाइलट बादे पनि पीपीसीको म्याद सकिँदा कामविहीन भएका छन्।

अवको केही दिनमा वाई–१२ विमानले तालिका अनुसार दैनिक उडान भर्ने उनले दाबी गरे। पाइलट अभाव भएर केही समय उडान प्रभावित भयो तर अव सबै नियमित उडान केही दिनमा नै सुरु हुन्छ।

अझै वाई–१२ का तीन विमान ग्राउन्डेड
नेपाल वायुसेवा निगमसँग वाई–१२ का चिनियाँ कम्पनीका चार विमान रहेका छन्। तीन महिनापछि एक विमानले उडान भरे तापनि अझै निगमसँग उडान योग्य २ र अर्को १ गरी ३ विमान ग्राउन्डेड छन्।

दुई पाइलटको पीपीसी नवीकरण नहुनु र एक पाइलट एयरबस–३२० को तालिममा जाँदा उक्त विमान लामो समयदेखि त्रिभुवन विमानस्थल कार्यालयमै ग्राउन्डेड भएका छन्। वाई–१२ का एकवटा विमान लामो समयदेखि ग्राउन्डेड छ।

हाल नेपाल वायुसेवा निगमको ६ विमान ग्राउन्डेड छन्। निगमको बोइङ ७५७ ले लामो समयदेखि उडान भर्न सकेको छैन। त्यस्तै एमए–६० को एक विमान र ट्विनअटर को एक विमान लामो समयदेखि ग्राउन्डेड छन्।

 

प्रकाशित १ चैत २०७५, शुक्रबार | 2019-03-15 11:40:58
Nepal Sarkar
Max TV
Max TV
Vianet

author photo

समुन्द्रा घिमिरे नेपालखबर संवाददाता हुन्


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • चिनियाँ राजदूत होउ यानछी तथा काउन्सुलर जाङ फाङ (दायाँ)। तस्विर: प्रविन कोइराला

    चिनियाँ मोबाइल पेमेन्ट एप वीच्याट र अली–पे वैधानिक रुपमा नेपाल आउन इच्छुक

    नेपाल राष्ट्र बैंकले प्रतिबन्ध लगाएका चिनियाँ मोबाइल पेमेन्ट एपहरु वी च्याट र अली–पेले नेपालमा वैधानिक रूपमा कारोबार गर्न चाहेको चिनियाँ दूतावासका...

  • नेपाल र अष्ट्रियाबीच उर्जा समझदारीमा हस्ताक्षर

    नेपाल र अष्ट्रियाबीच उर्जा समझदारी

    नेपाल र अष्ट्रियाबीच उर्जा समझदारीमा हस्ताक्षर भएको छ। उर्जा, जलस्रोत तथा सिंचाईमन्त्री वर्षमान पुन र अष्ट्रियाका यातायात तथा प्रविधिमन्त्री...

  • राष्ट्रपति भण्डारी

    राष्ट्रपतिद्वारा राहदानी विधेयक प्रमाणीकरण नगरी संसदमै फिर्ता

    राष्ट्रपति विद्यादेवी भण्डारीले विवादस्पद देखिएको राहदानीसम्बन्धी विधेयक संसदमै फिर्ता पठाइदिएकी छिन्।

  • तल्लो मुलपानी मैदानमा पहिलो पटक राष्ट्रिय प्रतियोगिता हुन लागेको हो

    मुलपानी मैदान कति तयार? (फोटो/भिडियो)

    सोमबार(जेठ ६) दिउँसो १ बजे मुलपानीस्थित तल्लो क्रिकेट मैदान बाहिर निस्कदै गरेका नेपालय इन्टरनेशनलका अध्यक्ष सुवाश प्रधान गेटमै भेटिए।