आङछिरिङ शेर्पाः १५ ब्राण्ड, ५० अर्ब लगानी


Kshamadevi Group


आङछिरिङ शेर्पा
आङछिरिङ शेर्पा

‘शेर्पाका दाजुभाईबीच जुन सौहार्दपूर्ण साझेदारी छ, त्यसले पनि व्यवसायिक उचाई लिन सहयोग गरेजस्तो लाग्छ। आफ्ना दाजुभाईसँग आङछिरिङको सम्बन्ध राम र लक्ष्मणको जस्तो थियो।’

शेर्पा समुदायबाट यो स्तरको व्यवसायिक उचाई हासिल गर्ने आङछिरिङ शेर्पा संभवतः पहिलो व्यक्ति हुन्।

बुधबार ताप्लेजुङमा भएको हेलिकोप्टर दुर्घटनामा उनको निधन भएसँगै पर्यटन र नागरिक उड्डयन व्यवसायी स्तब्ध छन्।

उनको मृत्युसँगै काठमाडौंका उद्योगी, व्यवसायीबीच बिहीबार एउटा फरक विषय चर्चामा रह्यो– आङछिरिङको लगानी कति छ?

होटल एसोसिएसन नेपाल (हान) का महासचिव तथा उनका लगानी साझेदार विनय शाह भन्छन्, ‘आङछिरिङको लगानी धेरैतिर छ। सानातिना होटल, रेष्टुराँदेखि तारे होटलसम्म।’

नेपालको वायुसेवा क्षेत्रका उनी पहिलो छिमलका व्यवसायी हुन्। आन्तरिक उडान गर्ने यती एयरलाइन्स र तारा एयर तथा अन्तर्राष्ट्रिय उडान गर्ने हिमालय एयरलाइन्समा उनको लगानी छ।

सन् १९९८ मा सञ्चालनमा आएको यती एयरलाइन्स नै आङछिरिङले व्यवसायिक नेतृत्व गरेको पहिलो सबैभन्दा ठूलो कम्पनी हो। सञ्चालनको २१ वर्षपछि यो नेपालको अग्रणी हवाई सेवाप्रदायक बनेको छ।

लगानी कति छ भनेर यकिन गर्न गाह्रो हुने विनय शाह बताउँछन्, ‘उनको लगानी यति नै ठाउँमा छ भनेर भन्न गाह्रो छ। ५० अर्बभन्दा कम छैन।’

काठमाडौंको लैनचौरमा बनिरहेको चार तारे होटल ‘ला शेर्पा’ दुई अर्ब लगानीमा निर्माणाधीन छ। १ सय २० वटा कोठा रहने भनिएको सो होटलमा आङछिरिङ समूहको लगानी रहेको छ। यद्यपी आङछिरिङको पारिवारिक स्रोतले बताएअनुसार लैनचौरममा होटल सञ्चालन नगरी अब त्यो भवन एनसेललाई भाडामा दिने तयारी भएको छ।

निजीकरणपछि गोकर्ण गल्फ रिसोर्टको सञ्चालन उनकै कम्पनीले गरिरहेको छ। त्यो पाँच तारे मान्यताको रिसोर्ट हो। होटलदेखि हवाई व्यवसाय व्यवस्थापनमा उनले दुई छोराहरुलाई पनि संलग्न गराएका छन्। छोराहरु पासाङ र नुर्वुले पाइलट अध्ययन गरे पनि व्यवसायिक नेतृत्व दिएर काम गरिरहेका छन्।

नाम्चे यति माउन्टेन रिसोर्ट (चेन), भरतपुरस्थित कसरा रिसोर्ट, गोकर्ण फरेस्ट रिसोर्ट, गल्फ कोर्सदेखि निर्माणाधीन पाँचतारे होटल मेची क्राउनसम्म उनको लगानी छ। केर एन्ड ड्वेनी नेपाल, कोरा टुर, यति एड्भेन्चर, यति होलिडेजमा उनको लगानी रहेको छ। यो बाहेक तनहूँ, पोखरा, अन्नपूर्ण सर्किटका होटलहरुमा उनको लगाीन छ।

शेर्पा दाजुभाईः टेण्डी, सोनाम र छिरिङ

५५ वर्षको छोटो अवधिमा उनले हाँसिल गरेको यो व्यवसायिक साम्राज्य व्यवस्थापनमा उनका आफ्दै दाजु, छोराहरु संलग्न छन्। शेर्पा परिवारलाई नजिकबाट चिन्ने कतिपयको बुझाइमा यो बैभव आर्जन पछाडि दाजुभाइबीचको मेलमिलाप मुख्य कारण हो।

‘शेर्पाका दाजुभाइबीच जुन किसिमको सौहार्दपूर्ण साझेदारी छ। त्यसले पनि व्यवसायिक उचाइ हासिल गर्न सहयोग गरेको जस्तो लाग्छ’, बरिष्ठ पर्यटन व्यवसायी तथा शेर्पाका साझेदार आरपी पन्त भन्छन्, ‘आफ्ना दाजुभाइसँग उनको सम्बन्ध राम र लक्ष्मणको जस्तो थियो।’

यो क्षेत्रका व्यवसायीहरु उनलाई आफ्नो अभिभावकजस्तो ठान्थे विशेषगरी राजनीतिक समाधान खोज्नका लागि।

‘व्यवसायीलाई परेको समस्या सरकारसँग लगेर समाधान खोज्न उहाँ सधैँ तत्पर देखिनुहन्थ्यो’, ट्रेकिङ एजेन्ट्स एसोसिएसन अफ नेपाल (टान) का पूर्वअध्यक्ष चन्द्र रिजाल भन्छन्, ‘व्यवसयाीलाई उनको एउटै भनाइ हुन्थ्यो पहाड र हिमालका जनतालाई सेवा दिनु व्यवसायीको धर्म हो।’

हिमाली जिल्ला सोलुको पासाङ ल्हामु गाउँपालिकामा सन् १९६४ अक्टोबर ४ मा जन्मिएका उनको प्रारम्भिक लगानी हिमाली पर्यटनमै केन्द्रित रहेको देखिन्छ।

उनका धेरै साझेदारहरुसँग कुराकानी गर्दा पनि उनको लगानी कहाँ कहाँ छ र कति छ भन्ने खुल्दैन। उनीहरु भन्छन्, ‘त्यो बताउन सकिने स्थिति नै छैन।’

यी स्टोरी पनि पढ्नुहोस्ः
आङछिरिङले समातेको त्यो ‘गल्फ स्टिक’
आङछिरिङ शेर्पाको नभनिएको जीवन कथा
हङकङमा जो आङछिरिङ शेर्पासँग गल्फ खेल्दै व्यवसायिक योजना बुन्थे

प्रकाशित १७ फागुन २०७५, शुक्रबार | 2019-03-01 10:21:32
Max TV
Max TV
Vianet

author photo

दीपक भट्ट नेपालखबर वरिष्ठ संवाददाता हुन्

@bhattajee1

दीपक भट्टबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

ब्लग

Max TV

प्रविधि

Hamro Patro
Classic Tech

NepalKhabar Tweets

विशेष

  • कन्हैया कुमार र ओकासियोजस्ता नेता नेपालमा किन उदाएनन्?

    आश्चर्यजनक परिणाम ल्याउँदै पार्टीको प्राइमरी चुनाबमा ओकासियोले जोएलाइ पराजित गरिदिइन्।

  • नेत्रविक्रम चन्द विप्लव

    विप्लव समूहमाथि प्रतिबन्ध लगाइएपछिको ‘साईड इफेक्ट’

    प्रतिवन्धपछि सर्वसाधारणमा फैलिएको त्रासका कारण ‘चन्दाको धन्दा’ गर्ने गिरोहहरुले चन्दा आतंक फैलाउन थालेका छन्।

  • चीनको वुहानमा गत वर्ष अनौपचारिक वार्तामा सी र मोदी

    भारतविना बेइजिङको बीआरआई बहस

    दुई वर्षअघि बीआरआईमा सहभागिता जनाएको नेपालले यसपाली राष्ट्रपति सहितको टोली बेइजिङ पठाउँदा दिल्ली चुपचाप छ।

  • काठमाडौंमा भएको नेपाल–चीन पारवहन प्रोटोकल तयारी बैठक

    चीनसँगको पारवहन ‘प्रोटोकल’ कसरी कार्यान्वयन हुन्छ?

    मन्त्रालयका सहसचिव तथा आपूर्ति वाणिज्य महाशाखा प्रमुख नवराज ढकाल प्रोटोकल हस्ताक्षरसँगै कार्यान्वय अघि बढ्ने बताउँछन्।