हिमालय एयरलाइन्समाथि कानुनी कारबाहीको तयारी

भाडामा लगाउने एयरलाइन्सको योजना अन्योलमा



हिमालय एयरलाइन्स
हिमालय एयरलाइन्स
तस्बिर: प्लेनस्पोटर्स डट नेट

सन् २०१८ जुलाईदेखि त्रिभुवन अन्तर्राष्ट्रिय विमानस्थलमा तिर्नुपर्ने विमानस्थल सेवाशुल्क रकम दाखिला नगरेपछि विमानस्थल कार्यालयले हिमालय एयरलाइन्समाथि कानुनी कारबाही प्रक्रिया अगाडि बढाउने तयारी गरेको छ।

कार्यालयले एयरलाइन्सलाई समयमै रकम दाखिला गर्न शुक्रबार नै पत्राचार गरेको जानकारी दिएको छ।

यसअघि पटक–पटक रकम दाखिला गर्न पत्राचार गरेको विमानस्थल कार्यालयले अन्ततः कानुनी प्रक्रियाअनुसार कारबाही अगाडि बढाउनलागेको हो। उक्त एयरलाइन्सले २०१८ जुलाई महिनायता विमानस्थल कार्यालयलाई सावाँ र विलम्ब शुल्कसहित २० करोड रुपैयाँ तिर्न बाँकी छ।

एयरलाइन्सले बक्यौता रकम तिर्नको लागि मागेको एक महिनाको समय फागुन ४ मै सकिएको छ। ‘गत शुक्रबार हामीले एयरलाइन्सलाई समयमै रकम दाखिलाका लागि पत्राचार गरिसकेका छौँ, अबको एक/दुई दिनमा रकम दाखिला नगरे हामी कानुनी कारबाही सुरु गर्छौँ’, विमानस्थल कार्यालयका प्रमुख राजकुमार क्षेत्रीले भने, ‘तोकिएको समयसीमाभित्र रकम दाखिला नभए जहाज ग्राउन्डेड वा जफत जे पनि हुनसक्छ ।’ प्रमुख क्षेत्रीले कार्यालयसँग नियमित फोन सम्पर्कमा एयरलाइन्सले रकम दाखिला गर्ने बताए पनि लिखित रुपमा कुनै पनि जानकारी नआएको बताए।

वायुसेवा कम्पनीहरूले विमानस्थललाई सेवा शुल्कअन्तर्गत विमानस्थल विकास शुल्क, ल्यान्डिङ र पार्किङ शुल्क, हवाइ परिवहन सञ्चालन उपकरण प्रयोग शुल्क, सुरक्षा शुल्क, कोठा काउन्टर शुल्क बुझाउनुपर्छ।

हिमालय एयरलाइन्सले पुसको अन्तिम साता रकम तिर्दै बक्यौता रकम दाखिला गर्न १० दिनको समय मागेको थियो। एयरलाइन्स आफैँले मागेको १० दिनमा रकम जम्मा गर्न नकसेपछि गत माघ ४ गते एक महिनाको समय माग गरेको थियो।
रकम तिर्न आनाकानी गर्न थालेपछि एयरलाइन्सले मागेको एक महिनाको समयसीमा अनुसार विमानस्थल कार्यालयले दुई दिन अगाडि नै रकम दाखिला गर्न पत्राचार गरेको थियो।

चारवटा अन्तर्राष्ट्रिय गन्तव्यमा उडान गरिरहेको यो एयरलाइन्ससँग एयरबस ए–३२० सिरिजका १ सय ५८ सिट क्षमताका तीनवटा विमान रहेका छन्। ती प्रत्येक विमानमा ८ बिजनेस र १५० इकोनोमी क्लासका सिटहरू छन्। यो एयरलाइन्स नेपाल–चीन संयुक्त लगानीमा सञ्चालित रहेको छ।

भाडामा लगाउने तयारी अब के हुन्छ?
नेपाल–चीन संयुक्त लगानीको हिमालय एयरलाइन्सले एउटा एयरबस ३२० विमान भाडामा लगाउने तयारी केही दिनअघि गरेको थियो। विमानस्थल कार्यालयमा बक्यौता रकम तिर्न नसकेको एयरलाइन्सको भाडामा लगाउने तयारी पछिल्लो घटनाक्रमले के हुने भन्ने अन्योल बढेको छ।

हिमालय एयरलाइन्सका उपाध्यक्ष विजय श्रेष्ठले नेपालखबरसँग केही समयअघि ‘छोटो समयका लागि भाडामा दिने कि भनेर कुरा उठेको बताएका थिए। उनले कुरा उठे पनि भाडाको मोडालिटी तय नभइसकेको बताएका थिए। कम्पनीले ओमान एयरलाई तीन महिनाका लागि एयरबस ए–३२० सिरिजको विमान भाडामा दिने तयारी गरेको थियो।

प्रकाशित ६ फागुन २०७५, सोमबार | 2019-02-18 12:52:53
Nepal Sarkar
Max TV
Max TV
Vianet

author photo

समुन्द्रा घिमिरे नेपालखबर संवाददाता हुन्


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • डा रामेश कोइराला

    पत्रिकाको सम्पादकीयजस्तै हुन् मेरा ट्विट: रामेश कोइराला (अन्तर्वार्ता)

    रामेश कोइराला पेशाले चिकित्सक हुन्, मुटु रोग विशेषज्ञ। यो बाहेक उनी लेखक हुन्।

  • पाँचथर हत्याकाण्डः अन्तिम कलमा मानबहादुरले मागेका थिए पैसा

    प्रहरीले पाँचथरको मिक्लाजुङ सामुहिक हत्यामा प्रयोग भएको हतियार फेला पारेको छ।

  • साैर्य एयरलाइन्स

    साैर्यले बुझायो ४ करोड बक्याैता, नयाँ व्यवस्थापनमा दैनिक ४ उडान

    आर्थिक अभाव र व्यवस्थापकीय कमजोरीका कारण बन्द हुन अवस्थामा पुगेको सौर्य एयरलाइन्सले नयाँ व्यवस्थापनका साथ नियमित उडान सञ्चालन गरेको छ।

  • वीच्याट र अली-पे

    चिनियाँ मोबाइल पेमेन्ट एप वीच्याट र अली-पेको कारोबार नेपालमा प्रतिबन्ध

    नेपाल राष्ट्र बैंकले चिनियाँ मोबाइल पेमेन्ट एप वीच्याट, अलीपेसहित विदेशी डिजिटल वालेटबाट हुने कारोबारलाई प्रतिबन्ध लगाएको छ।