साना उद्योगीका उत्पादनको मार्केटिङमा राजदुतहरुले पहल गर्ने


Kshamadevi Group


नेपालको प्रतिनिधित्व गर्ने विभिन्न देशका नव नियुक्त राजदूतहरुले लघु, घरेलु तथा साना उद्योगहरुले उत्पादन गरेका बस्तुहरुको अन्तर्राष्ट्रिय मार्केटिङमा सघाउने प्रतिवद्धता व्यक्त गरेका छन्।

स्थानीयस्तरमा उत्पादित वस्तुहरुलाई अन्तर्राष्ट्रिय बजारमा प्रवर्द्धन गर्ने उनीहरुले बताए।

नेपाल घरेलु तथा साना उद्योग महासंघले महासंघको सचिवालयमा विभिन्न मुलुकहरुका नवनियुक्त राजदूतरुको स्वागत तथा भेटघाटमा उनीहरुले आफुहरुले काम गर्ने मुलुकमा साना उद्योगीका नेपाली उत्पादन र बस्तुहरुको बजारीकरणमा सघाउने बताएका हुन्।

कार्यक्रममा नेपालको प्रतिनिधित्व गर्दै भारतका लागि नेपाली राजदूत निलाम्बर आचार्य, मलेसियाका लागि नेपाली राजदूत उदयराज पाण्डे, संयुक्त अरब इमिरेट्सका लागि नेपाली राजदूत कृष्णप्रसाद ढकाल, थाइल्याण्डका लागि नेपाली राजदूत गणेश प्रसाद ढकाल, यु. एन. जेनेभाका लागि नेपाली राजदूत मणिप्रसाद भट्टराई, फ्रान्सका लागि नेपाली राजदूत दिपक अधिकारी, कुवेतका लागि नेपाली राजदूत दुर्गा प्रसाद भण्डारी, क्यानडाका लागि लागि नेपाली राजदूत भृगु ढुंगाना उपस्थित थिए।

त्यस अवसरमा उनीहरुले समृद्ध नेपाल र सुखी नेपाली अभियानलाई सफल बनाउन मुलुकमा साना उद्योगहरुको योगदानलाई बिर्सन नहुने बताए।

महासंघका कार्यवाहक अध्यक्ष उमेशप्रसाद सिंहले सरकारको ‘सुखी नेपाली– समृद्ध नेपाल’ को अभियानलाई साकार पार्न आयात प्रतिस्थापन र निर्यात प्रवर्द्धन गर्ने उत्पादन मुलक उद्यम व्यवसाय गर्नुपर्नेमा जाेड दिए। त्यसका लागि लघु, घरेलु तथा साना उद्योगहरुको विकास र प्रवर्द्धन गर्न आवश्यक रहेकाे उनकाे भनाइ थियाे।

यस्ता उत्पादनहरुको निर्यात प्रवर्द्धनका लागि राजदूतहरुले आ–आफ्नो कार्यक्षेत्रमा आर्थिक कुटनीतिको भूमिका खेल्ने पनि उनले अपेक्षा गरे। कुल गार्हस्थ उत्पादनमा औद्योगिक क्षेत्रको योगदान मध्ये ९० प्रतिशत हिस्सा साना उद्योगहरुको रहेको जानकारी दिँदै कूल औद्योगिक रोजगारीको ७५ प्रतिशत रोजगारी र कूल औद्योगिक निर्यातको ८० प्रतिशत निर्यात यसै क्षेत्रबाट भएको बताए।

घरेलु तथा साना उद्योग विभागको आर्थिक वर्ष २०७३/७४ को औद्योगिक तथ्याङ्क अनुसार मुलुकभर कुल तीन लाख ८६ हजार पाँच सय १२ घरेलु तथा साना उद्योग दर्ता भएर नविकरण भई हाल चालु रहेका उद्योग २ लाख ६४ हजार ८६ रहेको उनले जानकारी दिए। ती उद्योगहरुमा करिब ३५ खर्ब रुपैयाँ लगानी भएको र २५ लाख रोजगारी श्रृजना भएकाे सि‌ंहले बताए।

यसका अलावा विभिन्न समयमा भएका अनौपचारिक अध्ययन र प्रक्षेपणहरुले विना दर्ता ६ लाख भन्दा बढी लघु उद्यम व्यवसायहरु मुलुकका विभिन्न भागमा छरिएर सञ्चालनमा रहेको अनुमान गरिएकाे छ।

राजदुताबास र अन्तरगतका निकायहरुमा लघु घरेलु तथा साना उद्योगका उत्पादनहरुको डिस्प्ले सेन्टरको आवश्यक व्यवस्था गराउनुका साथै नेपाली बस्तु तथा सेवाहरुको अधिकतम उपयोग एवं उपभोग गराउन पनि अध्यक्ष सिंहको आग्रह थियो।

प्रकाशित २९ माघ २०७५, मंगलबार | 2019-02-12 14:31:46
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...

  • कोहलपुर रंगशाला र रंगशालाका लागि राखेपले बनाएको गुरुयोजना

    नेपाली क्रिकेटको नयाँ गन्तव्य

    कोहलपुल क्रिकेट मैदानमा आठौं राष्ट्रिय खेलकुद प्रतियोगिता अन्तर्गत पुरुष क्रिकेटका समूह ‘बी’का खेलहरु र सेमिफाइनल तथा फाइनल खेलहरु हुँदैछन्।