हट्यो बंगलादेशी प्रतिबन्ध, खुल्यो वार्षिक ५ अर्बको धागो निर्यात हुने बाटो



बंगलादेशले नेपाली धागोमा लगाएको प्रतिबन्ध फुकुवासँगै नेपालले बंगलादेशमा वार्षिक ५ अर्ब भन्दा बढीको धागो निर्यात गर्न सक्ने बाटो खुलेको छ।

बंगलादेशमा ४ वर्ष अघिसम्म नेपालको धागो निर्यात हुन्थ्यो। तर स्थलमार्गबाट जाने भुटानको आलु र नेपालको धागोलाई बंगलादेश सरकारले प्रतिबन्ध लगाएको थियो, जसको कारण नेपालको धागो निर्यात हुन सकेको थिएन।

तर, बंगलादेशको राष्ट्रिय राजश्व बोर्डले नेपाली धागोमाथि लगाएको निर्यात प्रतिबन्ध फुकुवा गर्ने निर्णय गरेपछि नेपालले निर्यात गर्न सक्ने भएको हो।

अब स्थल मार्ग हुँदै बंगलादेशमा धागो निर्यात हुने भएपछि नेपालबाट वार्षिक ५ अर्ब भन्दा बढीको धागो निर्यात गर्न सकिने धागो उत्पादक संघले जानकारी गराएको छ।

नेपाली धागो उद्योगीहरु बंगलादेशको यो निर्णयबाट खुसी भएको संघका अध्यक्ष पवन गोल्यानले बताए।

‘बंगलाादेशमा निर्यात त धेरै गर्न सकिन्छ, तर हामीले उत्पादन कति गर्न सक्छौं भन्ने कुरा मुख्य हो’ उनले भने, ‘बंगलादेश विश्वमा नै टेक्सटायल उद्योगमा अग्रपंतिमा छ, त्यसकारण धागोको प्रमुख बजार बंगलादेश हो भन्नेमा कुनै शंका छैन।’

अहिले नेपालबाट धागो निर्यात हुने प्रमुख देश टर्की हो। तर बंगलादेशसम्म स्थलमार्गबाट जाने भएकोले यातायत खर्च निकै कम हुन्छ। गोल्यानले थपे, ‘त्यसैले पनि बंगलादेश हाम्रो प्रमुख बजारको रुपमा देखा परेको छ।’

नेपाल आफू भूपरिवेष्टित राष्ट्र भएका कारण आफूमाथिको प्रतिबन्ध फुकुवा हुनुपर्ने माग गत बर्षदेखि नै गर्दै आएको थियो।

२८ डिसेम्बरमा नेपाल–बंगलादेशबीच भएको छलफलमा बंगलादेश नेपालमाथिको प्रतिबन्ध फुुकुवा गर्न राजी भएको थियो।

बंगलादेशकै वित्तीय तथा विदेश मन्त्रालयले समेत प्रतिबन्ध हटाउन आग्रह गरेपछि नेपालमाथिको प्रतिबन्ध हटेको हो।

बंगलादेशका बन्दरगाहबाट विभिन्न सामाग्री नेपालमा आउन छाडेपछि नेपालले ठूलो आर्थिक घाटा बेहोर्नु परेको नेपाली पक्षको भनाइ छ।

यो निर्णयपछि नेपालबाट बंगलादेशमा तत्कालका लागि एक्रिलिक धागोमात्र निर्यात गर्न पाइनेछ। तर, उक्त प्रतिबन्ध एक वर्षको लागिमात्र फुकुवा भएको ‘न्यू एज विजलेस’ नामक बंगलादेशी अनलाइनले जनाएको छ।

सो अनलाइनका अनुसार अब त्यहाँका लाइसेन्स प्राप्त उद्योगहरुले नेपालमा सामाग्री निर्यात गर्न सक्नेछन्। नेपालका लागि मात्र प्रतिबन्ध हटाएको बंगलादेशले भारतका हकमा भने प्रतिबन्ध कायमै राखेको बताइएको छ।

बंगलादेशको यो निर्णयपछि अब नेपाली धागो फुलबारी नाका हुँदै झापाको काकडभिट्टाबाट भारत हुँदै बंगलादेशका लागि निर्यात हुनेछ। र, बंगलादेशको पञ्चगढस्थित तेतुलिया नाका (बंगलाबन्ध) बाट भित्रिने छ।

नेपालमा रिलायन्स स्पिनिङ ,जय स्पिनिङ, जगदम्बा स्पिनिङ, र त्रिवेणी स्पिनिङ गरी चार ठूला धागो उद्योग छन्। नेपालमा १५ अर्बको लगानी भएका धागो उद्योगले १० हजार नेपालीलाई रोजगारी दिएको छ।

नेपाली उद्योगहरुबाट बार्षिक ४० हजार टन भन्दा बढी धागो उत्पादन हुँदै आएको छ। चालू आर्थिक वर्षको ५ महिनामा समेत नेपालबाट ३ अर्ब ८५ करोड रुपैयाँ बरावरको धागो निर्यात भइसकेको छ।

प्रकाशित २५ पुस २०७५, बुधबार | 2019-01-09 19:15:26
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • लगानी बोर्ड

    अन्तर्राष्ट्रिय लगानी सम्मेलनः यस्ता छन् लगानीकर्ताले नियाल्ने ७१ आयाेजनाहरु

    सम्मेलनका लागि १८ वटा जलविद्युत आयोजना छानिएका छन्। जसमा ७ वटा जलविद्युत आयोजना सरकारले प्रस्ताव गरेको छ, भने ११ वटा जलविद्युत आयोजनालाई निजी...

  • चट्टाने पहाडभित्र यस्तो बन्दैछ देशलाई झन् उज्यालो बनाउने आयोजना (३५ तस्बिर)

    तिब्बतको सिमा नजिकै निर्माण भइरहेको यो आयोजना नै सायद नेपाल सरकारले बनाइरहेको यस्तो एउटा विकास आयोजना होला, जहाँ अमेरिकी, भारतीय, चिनियाँ र...

  • कञ्चनपुरमा बरामद १८ किलाे सुन

    बत्तीस केजी सुनका अभियुक्तविरुद्ध मुद्दा

    कञ्चनपुरबाट बरामद ३२ केजी अवैध सुनका सम्बन्धमा राजस्व अनुसन्धान विभागले अदालतमा मुद्दा दर्ता गरेको छ।