नेपालसँग इयुले माग्यो ४० विधाका दस्तावेज


Kshamadevi Group


इयु
इयु

युरोपियन युनियनले नेपाल नागरिक उड्डयन प्राधिकरणलाई कालोसूचीबाट हटाउनका लागि आवश्यक ४० विधाका दस्ताबेज पेस गर्न भनेको छ।

नोभेम्बर २८ मा इयुले कालो सूचीमा रहेका देशहरुको नाम सार्वजनिक गर्दा नेपालको नाम पनि समावेश भए पछि प्राधिकरणले इयुका प्रतिनिधिसँग सम्बाद गरेका थिए। सो सम्बादमा इयुले नेपाललाई थप आवश्यक दस्ताबेज पेस गर्न भनेको हो।

इयुलाई सुरक्षासम्बन्धी आवश्यक दस्ताबेज हप्तादिन भित्र उपलव्ध गराउने प्राधिकरणका महानिर्देशक सञ्जीव गौतमले बताए। उनका अनुसार इयुले नेपालको हवाई सरक्षासम्बन्धी प्रगतिलाई सकारात्मक रुपमा लिए पनि थप सुधार गर्न आवश्यक रहेको भन्दै प्राधिकरणलाई जानकारी गराएको छ।

‘कालोसूचीबाट हटाउनु पहिले इयुका प्रतिनिधि नेपालमा स्थलगत भ्रमण गर्न इच्छुक छन्,’ गौतमले भने, ‘इयुको टोलीले नेपाली वायुसेवा कम्पनीको स्थलगत अवोलोकन गरे पछि मात्र नेपाल कालोसूचीबाट हट्ने सम्भावना देखिन्छ।’

नेपाललाई इयुले सञ्चालन अनुमति पत्र दिँदा आइकाओको प्रक्रिया, अन्तर्राष्ट्रिय नागरिक उडड्यन संगठनबाट प्रतिपादन गरेका उडान सुरक्षा मापदण्ड पालना नगरेको लगायत अन्य सुरक्षाका विषय विश्व मापदण्डभन्दा तल रहेको भन्दै ६ वर्षदेखि कालोसूचीबाट नहटाएको हो।

सुरक्षा मापदण्ड पूरा नगरेको भन्दै २०१३ देखि इयुले नेपाली हवाइ जहाजहरूलाई युरोप प्रवेशमा रोक लगाउँदै आएको छ। सन् २०१३ को जुलाईमा आइकाओको टोलीले अडिट गर्दा नेपालको उडान सुरक्षा मापदण्ड परिपालनको दर ५५ प्रतिशत देखाएको थियो। अडिट टोलीले सुरक्षाका विषय विश्व सरदरभन्दा न्युन रहेको भन्दै नेपाललाई कालो सूचीमा राख्न सिफारिश गरेको थियो। आइकाओको रिपोर्टलाई आधार मानी इयुले नेपालका सबै वायु सेवा कम्पनीलाई डिसेम्बर २०१३ देखि कालोसूचीमा राख्दै आएको छ।

त्यसयता नेपाल र इयुबीच पटक पटक वार्ता हुँदै आएका छन्। सन् २०१८ जनवरी १९ मा पनि यससम्बन्धी वार्ता भएको थियो। यो वार्तामा नेपाल नागरिक उड्डयन प्राधिकरणका महानिर्देशक गौतमको नेतृत्वमा ६ सदस्यीय टोली बेल्जियमको ब्रसेल्समा पुगेको थियो।

नेपालका तर्फबाट अन्तर्राष्ट्रिय उडान सुरक्षा सुपरीवेक्षण गर्न तालिम दिँदै आएको, नयाँ कानुन निर्माणको क्रममा रहेको, सन २००८ देखि २०१७ सम्म जहाज दुर्घटनाको अवस्थामा सुधार भएको विषय नेपालले सो वार्तामा राखेको थियो। वार्ताको समयमा इयुका प्रतिनिधि नेपालको सुधार उल्लेखनीय भन्दै सकारात्मक प्रतिक्रिया दिएका थिए।

अन्तर्राष्ट्रिय नागरिक उड्डयन संगठन (आइकाओ) सन २०१३ ले अडिट गर्दा नेपालको उडान सुरक्षा मापदण्ड परिपालनको दर ५५ प्रतिशत देखाएको थियो। जसका कारण नेपाल कालोसूचीम परेको हो। २०१७ आइकाओको अडिटले नेपालको हवाई कानुन, संगठन स्वरुप, वायु यानसम्बन्धी अप्रेसन र एयर नेबिगेसन सेवाको मापदण्ड ६६.०८ प्रतिशत परिपालन गरेको तथ्याङ्क सार्वजनिक भएको छ।

यस कारण आइकाओको कालो सूचीबाट नेपाललाई हटाइसकेको छ। आइकाओको रिपोर्टका आधारमा इयुले नेपाललाई कालोसूचीमा राखेको थियो। तर आइकाओलो नेपाललाई कालोसूचीबाट हटाए पनि इयुले भने हटाएको छैन।

याे पनि: इयु उड्डयन समितिमा नेपालको कालो सूचीसम्बन्धी छलफल

           नेपाल अझै इयुको कालोसूचीमा

प्रकाशित २१ मंसिर २०७५, शुक्रबार | 2018-12-07 18:44:01
Max TV
Max TV
Vianet

author photo

बबिता तामाङ नेपालखबर संवाददाता हुन्

@BabitaGhising

बबिता तामाङबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

NepalKhabar Tweets

विशेष

  • अपहरण धन्दाका खुँखारहरुः भीमसेन पण्डित, उदय सेट्टी, अमर टण्डन र रोहित पालिवाल

    खुँखार अपहरणकारी पण्डितले सेट्टी भेट्न किन पठाए जेलमा दूत?

    अपहरण र फिरौतीलाई व्यवस्थित र व्यवसायिक बनाएका भिमसेन पण्डित, अमर टण्डन र उदय सेट्टीले एक अर्काबीच सम्पर्क बढाइरहेको गोप्य सूचना प्रहरीले पाएको छ।

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...