Exclusive

११ वर्षपछि जापानको ओसाकामा उडान भर्दै वायुसेवा निगम



वाइडबडी मकालु
वाइडबडी मकालु

नेपाल वायुसेवा निगमले जापान उडान बन्द गर्दा २३ हजारभन्दा बढी यात्रु प्रभावित भएका थिए। निगमको तथ्याङ्क अनुसार आर्थिक वर्ष २०५३-५४ मा २३ हजार २ सय ६६ यात्रुले सेवा प्राप्त गरेका थिए।

निगमले विमानको अभाव देखाउँदै वि.स २०६४ बाट उडान बन्द गरेको थियो। जसका कारण हजारौँ यात्रु प्रभावित भएका थिए। निगमसम्बन्धी तयार गरेको एक प्रतिबेदनमा आर्थिक वर्ष २०५३-५४ मा ७०.९ प्रतिशत सिट उपयोग भएको देखिन्छ। त्यो समयमा १२ गन्तव्यमा अन्तर्राष्ट्रिय उडान गर्दा ७६.४ प्रतिशत सिट उपयोग भएको देखिन्थ्यो। सुरुवाती समयमा काठमाडौं–सांघाई–ओसाका हुदै बोइङ ७५७ विमानबाट हप्तामा २ उडान उडान हुने गरेको थियो।

उडान बन्द गरेको ११ वर्षपछि निगमले फेरि ओसाका उडानको तयारी गरेको छ। अनौपचारिक छलफलका आधारमा निगमले जापानको ओसाकामा फेब्रूअरीको पहिलो हप्ता उडान गर्ने योजना बनाएको छ। निगमलाई उडान स्वीकृति दिने सन्दर्भमा ओसाका अन्तर्राष्ट्रिय विमानस्थलका एशिया क्षेत्र हेर्ने निर्देशक इमानुएल मानेन ताउसहितको टोलीले निगमका पदाधिकारीसँग भेटवार्ता गर्न सोमबार नेपाल आएका थिए। जापानी टोलीको प्रतिक्रिया सकारात्मक भएकाले गर्दा फेब्रूअरीमा नै उडान गर्न सकिने निगमका अध्यक्ष मदन खरेलले बताए।

जापानको सकारात्मक प्रतिक्रिया आएसँगै निगमले ओसाकाको लागि स्टेसन म्यानेजरका रुपमा सन्तोष पाण्डेलाई नियुक्त गरेको छ। उनी जापान पुगेसँगै औपचारिक रुपमा निवेदन पेस हुने छ। ‘हाल फाइलिङ एजेन्ट नियुक्त गरी निगमका अंग्रेजी डकुमेन्टलाई जापानी भाषामा ट्रान्सलेट गर्ने काम भइरहेको छ,’ अध्यक्ष खरेलले भने,‘त्यो काम सकिएपछि मात्र औपचारिक रुपमा ओसाका उडानका उडानका लागि निवेदन दिने छौं।’

जापानको ओसाका उडान गरेसँगै नेपाल आउने पर्यटकले समेत ट्रान्जिट हुँदै नेपाल आउनुपर्ने समस्या ब्यहोर्नु पर्नेछैन।

नेपाल पर्यटन बोर्डका अनुसार जापानी पर्यटक सन् २०१७ मा २७ हजार ३ सय २६ भित्रिएका थिए।

 

 

प्रकाशित २० मंसिर २०७५, बिहिबार | 2018-12-06 18:18:40
Max TV
Max TV
Vianet

नेपालखबरबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।