यसकारण लगाइयो डलर सटहीमा अंकुश


Infocus



चालु खातामा घाटा र शोधान्तर घाटा बढ्दै गएपछि सरकारले विदेश जाने नेपालीलाई दिँदै आएको डलरमा १ हजारले कमी गरेको छ।

नेपाल राष्ट्र बैंकले सर्वसाधारणलाई २ हजार ५ सय अमेरिकी डलर सटही गर्दै आएकोमा १ हजार ५ सय डलर मात्रै दिने निर्णय गरेको हो।

मंगलबार नेपाल राष्ट्र बैंकले परिपत्र जारी गर्दै उद्योगी व्यवसायीको हकमा भने १० हजार रुपैयाँ भुक्तानी दिन सक्ने व्यवस्था गरेको छ। परिपत्र जारी हुनपूर्व ४० हजार अमेरिकी डलर बराबर विदेशमा भुक्तानी गर्न सक्ने व्यवस्थालाई ३० हजारमा झारिएको हो।

नेपाल राष्ट्र बैंकका निर्देशक नारायणप्रसाद पौडेलका अनुसार नेपालको चालू खाता र शोधान्तर खाता ओरालो लागेको छ। घाटाको अन्तर अझ नलम्बियोस भन्नको लागि परिपत्र मार्फत केही नियमन गरिएको हो।

नेपालमा शोधान्तर अर्थात बस्तु तथा सेवाको आयात निर्यात, वित्तीय पूँजी, वित्तीय हस्तान्तरण घाटा बढ्दै गएको छ। चालू आवको तीन महिनाको तथ्याङ्क हेर्ने हो भने अहिले २५ अर्ब रुपैयाँ बराबरको शोधान्तर घाटा छ। रेमिटेन्स ३३.४ प्रतिशतले बढेर १ खर्ब ५४ अर्ब २० करोड रुपैयाँ भित्रिएको छ। तर वस्तु आयात घट्न सकको छैन।

साउन र भदौ दुई महिनामा मात्रै ३८ प्रतिशतले आयात बढेको नेपाल राष्ट्र बैंकको तथ्याङ्कले देखाएको छ। बस्तु आयातमा दुई महिनामै २ खर्ब ३२ अर्ब ३५ करोड रुपैयाँ बाहिरिएको छ। निर्यात भने जम्मा १४ अर्ब ७० करोड रुपैयाँ बराबरकाे मात्र छ। यसले गर्दा ब्यापार घाटा २ खर्ब १७ अर्ब ६५ करोड रुपैयाँ पुगेको छ।

यसलाई केही कम गर्न सकिन्छ कि भनेर व्यक्तिगत खर्च र व्यवसायीक भुक्तानी दुबैमा निगरानी राखिएको निर्देशक पौडेलको भनाई छ।

त्यस्तै चालुखाता पनि ओरालो लागेको नेपाल राष्ट्र बैंकको तथ्याङ्कले देखाउँछ। नेपालमा भित्रने रकम र बाहिरीने रकमको हिसाव किताव चालू खाताले गर्छ। यो खाता चालू आवमा निरन्तर ओरालो लागेको छ।

विदेशी मुद्रा निर्यात, प्रत्यक्ष वैदेशिक लगानी (एफडिआइ), रेमिटेन्स नेपालमा भित्रने क्रम जारी रहेपछि चालू खाता घाटा ३५ अर्ब रुपैयाँ नाघेको छ।

नेपाल राष्ट्र बैंकले जारी गरेको साउन र भदौ महिनाको देशको वित्तिय अवस्थाले नेपालमा नै आम्दानी भएको रकम डलर मार्फत विदेश जाने क्रम बढिरहेको देखाएको हो। चालू खातामा रहेको पैसा विदेश निर्यात हुन थालेपछि सरकारले डलर लैजान केही अंकुश लगाएको हो।

चालू खाता ओरालो लागेमा नेपालमा रहेको विदेशी मुद्राको संकट पनि आउनसक्ने कुरालाई ध्यानमा राखेर नेपाल राष्ट्र बैंकले डलर सटहीको सिमा कम गरेको हो।

प्रकाशित २१ कार्तिक २०७५, बुधबार | 2018-11-07 15:39:36
Max TV
Max TV
Zen Travels
Vianet

author photo

दीपक भट्ट नेपालखबर वरिष्ठ संवाददाता हुन्

@bhattajee1


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Laxmi Bank
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Laxmi Bank
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • निलाम्बर आचार्य

    नीलाम्बरको ‘भाग्य’ मा दुई केपीको संयोग

    कांग्रेस निकट बुद्धिजीवीका रुपमा रहेको उनको छविको उपयोग गर्दै प्रधानमन्त्री ओलीले आचार्यलाई सो समूहको सदस्य चयन गरेका थिए। तर, उनी भित्री रुपमा...

  • केपी शर्मा ओली

    मन्त्रिपरिषद बैठक लगत्तै निर्णय सार्वजनिक नगर्ने निर्णयमा किन पुगे प्रम ओली?

    ‘पारदर्शिताका नाममा उही दिन सार्वजनिक गर्दा एकातिर सरकारलाई अप्ठेरो पार्ने काम हुन थाल्यो, अर्काेतिर आफ्ना निर्णय कत्तिको परिपक्व छन् भनेर...

  • केशव स्थापित

    केशव स्थापितकोमा पुगेका दुई सांसदलाई घरमा भोजन, बाटोमा ढुङ्गा

    पूर्वमन्त्री केशव स्थापितको घरमा भोजन गरेर फर्कने क्रममा प्रदेश सभाका दुई सा‌ंसद चढेको गाडीमा ढुङ्गा प्रहार भएको छ।

  • भेगन

    के माछामासु नखाने मानिस बढी बाँच्छन्?

    विश्वमा माछामासु दूध दही नखानेहरुको जनसंख्या बढ्दो छ। पश्चिमा मुलुकहरुमा भेगन हुने लहर नै चलेको छ।