अन्तर्राष्ट्रिय उडानको इजाजत पत्र लिन १ अर्ब चुक्ता पुँजी आवश्यक


Kshamadevi Group


हिमालय एयरलाइन्स
हिमालय एयरलाइन्स
तस्बिर: प्लेनस्पोटर्स डट नेट

अन्तर्राष्ट्रिय वायुसेवा सञ्चालन इजाजतपत्र लिनका लागि अब ५० करोड देखि १ अर्ब चुक्ता पुँजी आवश्यक पर्ने भएको छ।

शुक्रबार बसेको मन्त्रिपरिषदले अन्तर्राष्ट्रिय हवाई सञ्चालन कार्यविधि २०७५ स्वीकृत गरेको हो।

निजी क्षेत्रलाई अन्तर्राष्ट्रिय वायुसेवा सञ्चालनका लागि इजाजत प्रदान गर्ने उद्देश्यले कार्यविधि ल्याइएको संस्कृति पर्यटन तथा नागरिक उड्डयन मन्त्रालयका उपसचिव प्रमोद नेपालले जानकारी दिए।

कार्यविधिमा अन्तर्राष्ट्रिय उडानको इजाजत प्रदान गर्दा विमान उड्ने बेलाको तौललाई आधार मानिएको उनले बताए। कार्यविधिमा ए वर्गको इजाजत प्राप्त गर्न १ सय २५ टन माथिको विमान हुनुपर्ने उल्लेख छ। बी वर्गको

इजाजत प्राप्त गर्न ४० देखि १२५ टनका विमान हुनुपर्छ। साथै सी वर्गको इजाजत लिनका लागि वायुसेवा कम्पनीसँग ४० टन तौलको विमान हुनुपर्ने कार्यविधिमा प्रावधान छ।

नयाँ र आन्तरिक उडान गर्दै आएका वायुसेवा कम्पनीले ए वर्गको इजाजत लिन १ अर्ब चुक्ता पुजी हुन आवश्यक हुन्छ भने बी वर्गको इजाजत दिन ७५ करोड पुँजीको हुनु पर्नेछ। सी वर्ग इजाजत प्राप्त गर्न ५० करोड चुक्तापुँजी आवश्यक रहेको पर्यटन मन्त्रालयका उपसचिव नेपालले जानकारी दिए। यो कार्यविधि आउनु पहिले अन्तर्राष्ट्रिय हवाई सेवा सञ्चालन इजाजत लिन ५० करोड मात्र पुँजी आवश्यक पर्थ्यो।

‘कार्यविधि अनुसार सरकारले खुल्ला आवेदन आव्हान गरे पछि नयाँ वायुसेवा कम्पनीले अन्तर्राष्ट्रिय हवाई सेवा सञ्चालन इजाजतका लागि दर्खास्त दिन पाइनेछ,’ उपसचिव नेपालले भने, ‘नयाँ वायुसेवा कम्पनीले दर्खास्त दिए पछि मुल्याङकन हुने र इजाजत पत्र दिइने छ।’

तर ५ वर्ष आन्तरिक उडान गरिसकेका वायुसेवा कम्पनीले भने खुल्ला आवेदनमा दर्खास्त दिनुपर्ने छैन। मूल्यांकनको चरण भने नयाँ र ५ वर्ष आन्तरिक उडान गरेका वायुसेवा कम्पनीले समेत पार गर्नु पर्ने छ। आन्तरिक उडान गर्दै आएका तर ५ वर्ष अवधि नपुगेका वायुसेवा कम्पनीले भने नयाँ वायुसेवा कम्पनी सरह सबै कार्यविधि पालना गर्नुपर्ने उनले बताए।

शुक्रबार बसेको मन्त्रिपरिषदले अन्तर्राष्ट्रिय वायुसेवा सञ्चालन कार्यविधि २०७५ का साथै संघीय पर्यटन ऐन तर्जुमाका लागि सैद्धान्तिक स्वीकृति दिएको छ। साथै सो मन्त्रीपरिषदको बैठकले नेपाल नागरिक उड्डयन सञ्चालन र नियमन सम्बन्धी नयाँ ऐन तर्जुमाका लागि समेत सैद्धान्तिक सहमति दिइएको हो।

हाल प्राधिकरणले नै विभिन्न विमानस्थको नियमन र सञ्चालन गर्दै आएको छ। जुन अन्तर्राष्ट्रिय नागरिक उड्डयन संठन (आइकाओ) स्टयान्डर्डको अनुसार उपर्युक्त छैन। आइकाओ स्टयान्डर्डको हुनका लागि नयाँ ऐन ल्याउन लागिएको हो।

प्रकाशित ६ असोज २०७५, शनिबार | 2018-09-22 13:47:41
Max TV
Max TV
Vianet

author photo

बबिता तामाङ नेपालखबर संवाददाता हुन्

@BabitaGhising

बबिता तामाङबाट थप


प्रतिकृया दिनुहोस

ntc
NLIC
Prabhu Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • पिसकोर स्वयंसेवकसँग सामूहिक तस्विर खिचाउँदै मन्त्री खनाल तथा राजदूत बेरी

    पिसकोर स्वयंसेवकलाई ‘सालको पात टपरी हुने’ गीत सिक्न मन्त्रीको आग्रह (भिडियो)

    अमेरिकी स्वयंकसेवक संस्था पिसकोरका ४९ स्वयंसेवकलाई अमेरिकी राजदूत र्‍यान्डी डब्लु बेरी तथा पिसकोर नेपाल निर्देशक शेरी रस्सेलले सपथ ग्रहण गराउने...

  • बिना मोक्तान

    टेम्पो चालक बिनाको कलाकार बन्ने सपना अधुरै

    जोरपाटी–चाबहिल–पुरानो बानेश्वर–शंखमुल रुटमा सार्वजनिक यातायात चढ्नेहरुले उनलाई भेट्न सक्छन्।

  • कसरी सम्भव भयो एक वर्ष अगाडि नै भेरी बबई–डाइभर्सनको ‘ब्रेक थ्रु?’

    राष्ट्रिय गौरवको भेरी बबई–डाइभर्सन बहुउद्वेश्यीय आयोजनाको सुरुङमार्ग सम्पन्न गर्नु पर्ने समयभन्दा एक वर्ष अघि नै सम्पन्न भएको छ।

  • बीआरआईमा नेपालको मुख्य प्रश्न केरुङ–काठमाडौं रेलमार्गमा लगानी हो

    चीनको बीआरआईमा नेपालः ऋणपासो कि साझा जित?

    चिनियाँ कम्युनिष्ट पार्टीको विधानमा समेटिएपछि बीआरआईले ‘अमरत्व’ प्राप्त गरिसक्यो। बीआरआईका प्रवर्तक सी चिनफिङको राष्ट्रपतिय कार्यकालको सीमितता...