जयनगर-जनकपुर रेलमार्ग बनिसक्नै लाग्यो, कस्तो रेल चलाउने, ठेगान छैन



डिजेल इन्जिन रेलकाे नमुना
डिजेल इन्जिन रेलकाे नमुना

भारतको जयनगरदेखि नेपालको जनकपुरसम्म मंसीरदेखि रेल सञ्चालनको तयारी गरेपनि आफ्नै रेल सञ्चालन गर्ने वा भारतीय रेल भाडामा लिने भन्ने विषयमा नेपाल सरकारले अझै निर्णय गर्न सकेको छैन।

जनकपुर-जयनगरसम्मको ३५ किलोमिटर रेल मार्ग निर्माणाधीन अवस्थामा छ। आगामी कार्तिकसम्म रेलमार्ग निर्माण सम्पन्न भइसक्ने पक्काजस्तै भएपनि त्यहाँ सञ्चालन गरिने रेलबारे नेपाल सरकार अझै निर्णयमा पुग्न सकेको छैन।

नेपाल-भारत क्रस बोर्डर रेल सेवा सञ्चालनसम्बन्धी परियोजना स्टेररिङ कमिटी (पिएससी) को तीन महिनाअघि काठमाडौँमा भएको बैठकमा रेल भाडामा लिनेदिनेमा दुवै पक्ष सहमत भएका थिए।

त्यस्तै दुई महिनाअघि तत्कालिन रेल विभागका महानिर्देशक अनन्त आचार्यको नेतृत्वमा एक टोली भारतमा रेल हेर्न गएको थियो। उक्त टोलीले जयनगर जनकपुरमा संचालन गरिने रेलको मोडलको बारेमा भारतको सरकारी पक्षसँग कुराकानी गरेको थियो।

भारत सरकारले नेपाललाई भाडामा १० डिब्बा हाराहारीको रेल दिन तयार भएको थियो। तर, नेपाली टोली नयाँ रेल नै किनेर संचालन गर्ने वा भाडामा लिनेबारे कुनै निर्णय नगरी फर्कियो।

नेपाली टोली फर्किएपछि अहिलेसम्म भारतीय पक्षसँग थप कुराकानी नभएको भौतिक योजना तथा यातायात मन्त्रालयका सहसचिव केशवकुमार शर्माले नेपालखबरलाई बताए।

सम्बन्धित लिंक: एक महिनामा मेटिँदैछ नेपालीको रेल तिर्खा

‘नेपाली भूभागमा तयार भइरहेको रेलमार्गको अध्ययनमा नै हामी केन्द्रित छौँ’ शर्माले भने, ‘यस्तै खालको रेल ल्याउने भनेर निर्णय नभएकाले भारतीय पक्ष रेल भाडामा लिने कि नयाँ रेल किन्ने भन्ने विषयमा निर्णय हुन सकेको छैन।’

शर्माका भनाईमा, नेपाल आफैले रेल किनेर सञ्चालन गर्ने हो वा भाडामा ल्याएर सञ्चालन गर्ने हो, पहिले त्यो विषयमा निर्णय हुन आवस्यक छ।

‘के गर्ने भन्ने विषयमा हामीले निर्णय गरेपछि मात्रै भारतीय पक्षसँग कुरा गर्न सकिन्छ’ शर्माले भने, ‘भारत सरकारसँग पनि रेल छ, निजी कम्पनीहरुसँग पनि रेल छन्। कस्तो प्रयोग गर्ने भन्ने निर्णय भएपछि त्यस अनुसार रेल ल्याउन सकिन्छ।’

यो पनि हेर्नुहोस्ः  जनकपुर–जयनगर रेलमार्गः भाडाको रेलमा नेपाली झण्डा, भारतीय ड्राइभर

नेपाललाई रेल दिन सरकारी पक्षनै बढी उत्सुक रहेको जानकारहरु बताउँछन्। ‘भारतमा निजी कम्पनीका रेल सञ्चालनको क्रम बढेपछि सरकारी रेलहरु थन्किन थालेको छन्’ स्रोतले भन्यो, ‘त्यसैले पनि सरकारी पक्ष रेल दिन बढी अग्रसर देखिएको हो।’

उक्त मार्गमा रेल सञ्चालन गर्नका लागि नेपाल सरकारले २०६५/०६६ को बजेटमा ५० करोड रुपैयाँ बजेट छुट्याएको छ।

हाल जयनगरदेखि जनकपुरसम्म ३५ किलोमिटर रेलमार्गमा सञ्चालनको तयारी भइरहेको छ। यो रेलमार्गको निर्माण बर्दिबाससम्मको ६९ किलोमिटर लिक बिछ्याउने काम चाहिँ अहिले भइरहेको छ।

रेल सञ्जाललाई नेपालमा विस्तार गर्नेबारे नेपाल सरकार र भारत सरकारबीच सन् २०१० मा नै द्विपक्षीय सम्झौता भएको हो। सो सम्झौता अनुसार २०११ माघदेखि निर्माण कार्य थालनी भयो।

नेपालमा सुरु भएको रेल मार्ग ‘ब्रोडगेज’ प्रणालीको हो। निर्माण कार्यको ठेक्का भने भारतीय ठेकेदार कम्पनी इरकन इन्टरनेसनल लिमिटेडको निगरानीमा धनुषा र महोत्तरीमा स्थानीय निर्माण कम्पनीले लिएको छ।

त्यसमध्ये नायक इन्फ्रास्ट्रक्चर प्रालि (असम, गुहाटी) लाई इनरुवा बोर्डरदेखि महुवा कपिलेश्वरसम्म २४ किलोमिटर र धनुषाको कालिका रमण जेभिलाई कपिलेश्वरदेखि भंगहासम्म २४ किलोमिटरमा माटो, स्लोप, दुवैतिरको घाँस रोपाई र ग्राभेलको कामको ठेक्का दिइएको थियो।

सो कार्यका लागि भारतीय कम्पनीलाई ६५ करोड र कालिका रमण जेभिलाई ७० करोडको ठेक्का दिइएको थियो।

प्रकाशित ४ असोज २०७५, बिहिबार | 2018-09-20 17:02:53
Nepal Sarkar
Max TV
Max TV
Vianet

author photo

दीपक भट्ट नेपालखबर वरिष्ठ संवाददाता हुन्

@bhattajee1


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • रामबहादुर थापा र वामदेव गौतम

    नेकपामा नयाँ समीकरणः प्रचण्डले गौतम रोजेपछि ओलीले बादल अघि सारे

    कार्यविभाजनको विषयमा अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल र झलनाथ खनाल तथा सचिवालय सदस्यद्वय वामदेव गौतम र नारायणकाजी...

  • निखिल उप्रेती

    नायक निखिल उप्रेतीको प्रश्नः तपाइँसँग कुखुराको धड्कन सुन्ने मन खोइ?

    मानव जीवन नै यो चक्रमा घुम्न विवश छ, संसारको प्रणाली नै चक्रीय छ। यो विज्ञानको अर्थ के हो भने हामीले आज गरेका कामको परिणाम भोलि निश्चित रुपमा आउँछ।

  • केपी खनाल

    देश सफा गर्दैछन् मुम्बईमा भाँडा माझ्ने यी हात

    केपीले आफूलाई अन्य युवाभन्दा फरक बाटोमा हिँडाए। बाजुरामा आफ्नै पहलमा बालआश्रम बनाएर सरकारलाई चुनौति थपिदिए। योभन्दा ठूलो दबाब र सरकारको मौनताको...

  • खरिद नियमावली संशोधनः संस्था मात्रै होइन व्यक्ति पनि कालोसूचीमा पर्ने

    सार्वजनिक खरिद नियमावली (छैठौँ संशोधन) २०७५ले कुनै एक ठेकेदार कम्पनीले समयमा काम पूरा नगर्ने, काम बिगार्ने तथा कुनै अभियोग लागेको पाइएमा त्यससँग...