ओलीले ‘सिलिण्डर ग्यासको युग सकियो’ भन्दै उद्घाटन गरेको गोबरग्यास प्लान्ट एक महिना नपुग्दै बन्द



गाेबर ग्यास प्लान्ट उद्घाटन गर्दै प्रधानमन्त्री अाेली
गाेबर ग्यास प्लान्ट उद्घाटन गर्दै प्रधानमन्त्री अाेली

निकै महत्वका साथ प्रधानमन्त्री केपी शर्मा ओलीले उद्घाटन गरेको विराटनगरस्थित गोबरग्यास प्लान्ट सञ्चालनमा आएको दुई सातामै बिग्रिएको छ।

अघिल्लो आइतबार (१७ भदौ) मा परेकोे पानीले ग्याँस उत्पादन गर्ने स्थानमा क्षति पुर्‍याएपछि एक सातादेखि बन्द भएको हो।

विराटनगर महानगरपालिका १४ जतुवास्थित श्रीकृष्ण गौ सेवा सदनमा रहेको गोबर ग्याँस प्लान्टको ‘मेम्ब्रेन’ मा समस्या आएपछि उत्पादन रोकिएको स्रोतले बताएको छ।

‘कमजोर खालको ‘मेम्ब्रन’ मा परेको पानीको प्रेसर थेग्न नसकेपछि भत्कियो,’ नाम बताउन नचाहने स्रोतले भन्यो, ‘अहिले भारतीय प्राविधिक ल्याएर मर्मत गर्ने काम गरिँदैछ।’

तीन मन्त्रीसहित प्रधानमन्त्री केपी शर्मा ओलीले ५ भदौमा विराटनगर पुगेर सो गोबरग्यास प्लान्टको उद्घाटन गरेका थिए।

प्लान्ट उद्घाटन गर्ने क्रममा प्रधानमन्त्री ओलीले सिलिन्डर ग्यास प्रयोग गर्ने युग समाप्त भएको घोषणा गर्दै यो प्लान्ट सानो भएपनि महत्वपूर्ण उपलब्धि भएको दावी गरेका थिए।

ऊर्जामन्त्री वर्षमान पुन, कानुन न्याय तथा संसदीय व्यवस्थ मन्त्री भानुभक्त ढकाल, संघीय मामिला तथा सामान्य प्रशासन मन्त्री लालबाबु पण्डितको समेत उद्घाटन कार्यक्रममा उपस्थिति थियो।

विराटनगर महानगरपालिका–१४ जतुवास्थित श्रीकृष्ण गौसेवा केन्द्रमा २ सय ६४ घनमिटरको गोबरग्यास प्लान्ट निर्माण गरिएको हो।

सो प्लान्टबाट उत्पादित ग्यास ३२ घरमा पाइपका माध्यमबाट बितरण गरिदै आएको थियो।

गौसेवा र वैकल्पिक ऊर्जा प्रबर्द्धन केन्द्रले संयुक्त रुपमा गोरबग्यास प्लान्टको निर्माण गरेका थिए।

गौसेवा तथा केन्द्रका दुवैका अधिकारीहरुले ग्यास उत्पादन बन्द रहेको स्वीकार गरेपनि कारण चाहिँ फरक-फरक दिएका छन्।

गौसेवासँग सम्बद्ध शंकर अग्रवालले वरिपरिका थप घरमा समेत ग्यास विस्तार गर्ने क्रममा रहेकाले ग्यास उत्पादन बन्द गरिएको थियो।

सम्बन्धित लिंकः ग्यासकाे सपना बाँडेका अाेलीद्वारा गाेबर ग्यास प्लान्ट उद्घाटन (भिडियाे)

‘कुनै समस्या आएर बन्द गरिएको होइन, थप विस्तार गर्न उत्पादन बन्द गरेका हौँ’ नेपालखबरसँग टेलिफोनमा अग्रवालले भने।

१ करोड ५० लाख रुपैयाँमा सो प्लान्टका निर्माण गरिएको थियो, जसमा वैकल्पिक ऊर्जा केन्द्रको ८० र गौसेवाको २० प्रतिशत लगानी रहेको छ।

केन्द्रका वरिष्ठ अधिकृत प्रकाश अर्यालले नियमित मर्मत संभारका लागि अहिले बन्द गरिएको दावी गरे ।

‘पानी परेर क्षति पुर्‍यायो भन्ने विषयमा ग्राउन्डबाट जानकारी गराएका छैन’ अर्यालले टेलिफोनमा भने, ‘३-३ महिनामा हुने मर्मतका लागि बन्द गरिएको हो।’

यस विषयमा थप बुझेर जानकारी गराउने बताएका अर्यालले प्लान्टमा कुनै समस्या देखिए एक वर्षसम्म समाधान गर्ने जिम्मेवारी निर्माण गर्ने कम्पनीकै भएको बताए।

‘कन्ट्रोल रुपमा ग्यास वितरण गर्ने गरी गोबर ग्याँस प्लान्ट निर्माण गर्न निकै कम छ’ अर्यालले भने, ‘हाम्रो प्राविधिकहरुले यस विषयमा अहिले पनि सिक्ने क्रममा छन्।’

प्रकाशित २५ भदौ २०७५, सोमबार | 2018-09-10 15:05:33
Nepal Sarkar
Max TV
Max TV
Vianet

author photo

मणि दाहाल नेपालखबर विशेष संवाददाता हुन्

@Maninagarik

मणि दाहालबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • रामबहादुर थापा र वामदेव गौतम

    नेकपामा नयाँ समीकरणः प्रचण्डले गौतम रोजेपछि ओलीले बादल अघि सारे

    कार्यविभाजनको विषयमा अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल र झलनाथ खनाल तथा सचिवालय सदस्यद्वय वामदेव गौतम र नारायणकाजी...

  • निखिल उप्रेती

    नायक निखिल उप्रेतीको प्रश्नः तपाइँसँग कुखुराको धड्कन सुन्ने मन खोइ?

    मानव जीवन नै यो चक्रमा घुम्न विवश छ, संसारको प्रणाली नै चक्रीय छ। यो विज्ञानको अर्थ के हो भने हामीले आज गरेका कामको परिणाम भोलि निश्चित रुपमा आउँछ।

  • केपी खनाल

    देश सफा गर्दैछन् मुम्बईमा भाँडा माझ्ने यी हात

    केपीले आफूलाई अन्य युवाभन्दा फरक बाटोमा हिँडाए। बाजुरामा आफ्नै पहलमा बालआश्रम बनाएर सरकारलाई चुनौति थपिदिए। योभन्दा ठूलो दबाब र सरकारको मौनताको...

  • खरिद नियमावली संशोधनः संस्था मात्रै होइन व्यक्ति पनि कालोसूचीमा पर्ने

    सार्वजनिक खरिद नियमावली (छैठौँ संशोधन) २०७५ले कुनै एक ठेकेदार कम्पनीले समयमा काम पूरा नगर्ने, काम बिगार्ने तथा कुनै अभियोग लागेको पाइएमा त्यससँग...