Exclusive

निगमको काठमाडौं–दोहा दैनिक उडान अगस्ट १ बाट



नेपाल एयरलाइन्स वाइडबडी विमान  ‘अन्नपूर्ण’
नेपाल एयरलाइन्स वाइडबडी विमान ‘अन्नपूर्ण’

नेपाल वायुसेवा निमगले असार १४ मा भित्र्याएको वाइडबडी विमानले काठमाडौं–दोहा दैनिक उडान गर्ने भएको छ।

साउन १६ देखि राष्ट्रिय ध्वजाबाहक नेपाल वायुसेवा निगमले खरिद गरेको ब्रान्ड न्यु विमानले दोहाको दैनिक उडान गर्ने नेपाल वायुसेवा निमगका महाप्रवन्धक सुगतरत्न कंसाकारले जानकारी दिए।

नेपाल वायुसेवा निगमको ९एन–एएलवाई एयरबस ३३०–२०० विमानले नयाँ गन्तव्यमा उडान अनुमति नपाएपछि पहिलो नयाँ एयरबसले दोहामा उडान गर्न लागेको हो। आन्तर्राष्ट्रिय मान्यता अनुरुप नयाँ विमानले नयाँ गन्तव्यमा उडान गर्न नपाईने महाप्रवन्धक कंसाकारले जनकारी दिए।

वाइडबडी विमान जापान, साउदी अरेबीया र कोरियालाई लक्षित गरि खरिद गरिएको हो। युरोप र अमेरिका उडान निगमको दोस्रो योजनामा रहेको छ। निगमले केही दिनपछि अर्को पनि वाइडबडी विमान भित्र्याउँदैछ।

नयाँ गन्तव्यका लागि नेपाल सरकार र निगमले प्रयास गर्दै आएको छ। निगमले नयाँ गन्तव्य जापानमा असोज महिना भित्र नियमित उडान गर्ने योजना बनाएको छ। काठमाडौंबाट जापानको नारिता अन्तर्राष्ट्रिय विमानस्थलमा आइतबार, सोमबार, बुधबार र शुक्रबार उडान गर्ने निगमले जानकारी दिएको छ। त्यसैगरी निगमले साउदी अरेबीया र कोरियामा समेत उडानका लागि प्रक्रिया अगाडि बढाएको छ।

निगमले खरिद गरेको ३३०–२०० विमान उडान गर्ने क्पाप्टेनका लागि रु १८ लाख र को–पाइलटका लागि रु १२ लाख खर्च लाग्ने अनुमान निगमको रहेको छ। यो रकम कर सहितको हो। निगमले खरिद गरेको २ वटा एयरबस ३३०–२००विमान २७४ सिट क्षमताको हो। ‘यी दुई विमान उडानका लागि केही महिना भित्र स्वदेशी ६ जना क्याप्टेन र ६ जना को–पाइलट तयार हुने छ,’ महाप्रवन्धक कंसाकारले भने, ‘साथै थप विदेशी १२ जना क्याप्टेन र १२ जना को–पाइलटलाई करारमा ल्याउने योजना छ।’

नेपाल सरकारको ग्यारेन्टीमा कर्मचारी सञ्चयकोष र नागरिक लगानी कोषको १२–१२ अर्ब ऋणमा ठूला जहाज खरिद गरिएको हो। राष्ट्रिय ध्वजाबाहक नेपाल एयरलाइन्सले अमेरिकी एएआर कर्पोरेसनमार्फत प्रतिजहाज १० करोड ४८ अमेरिकी डलरमा खरिद गरेको हो।

निगमले खरिद गरेको थप एउटा विमान नेपाल आएसँगै निगमसँग अन्तर्राष्ट्रिय उडान बोइङ ९ एसिबी–५७५ र दुईवटा एयरबस ३२० विमानबाट गर्दै आएको छ। वाइडबडी दुईवटा थप भएसँगै निगमसँग अन्तर्राष्ट्रिय उडानका लागि ५ वटा विमान हुनेछन्। हाल नेपालबाट ८ गन्तव्यमा अन्तर्राष्ट्रिय उडान गर्नेछन्।

हङकङ, क्वालालम्पुर, बैंकक, दोहा, दुबई, नयाँ दिल्ली, बेङ्लोर र मुम्बईमा नेपाल एयरलाइन्सका उडान रहेका छन्। आन्तरिक उडानका लागि निगमसँग वाइ १२ चारवटा र एमए १६ दुईवटा र तीनवटा ट्विनटर विमान छन्।

प्रकाशित २६ असार २०७५, मंगलबार | 2018-07-10 20:32:14
Max TV
Max TV
Vianet

author photo

बबिता तामाङ नेपालखबर संवाददाता हुन्

@BabitaGhising

बबिता तामाङबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।