सिजीको सतुंगल गोदाममा नियोजित आगलागी, २४ करोड फिर्ता गर्न बिमा समितिको पत्र

भारतकाे जिआइसीसँग क्षतिभन्दा ५१ करोड रूपैयाँ बढी असुल्ने योजना असफल


Infocus



युनाइटेड इन्स्याेरेन्सकाे लाेगाे
युनाइटेड इन्स्याेरेन्सकाे लाेगाे

विश्वका अर्बपतिको सूचीमा रहेका विनोद चौधरीसमेत रहेको चौधरी ग्रुपले आगलागीको बहानामा भारतीय बिमा कम्पनी जनरल इन्सुरेन्स कर्पोरेशन (जिआइसी) सँग क्षतिभन्दा ५१ करोड रुपैयाँ बढी लिने प्रयास गरेको खुलासा भएको छ।

२०६९ असोज २८ मा सतुंगल गोदाममा विद्युत शर्ट भई आगलागी हुँदा चौधरी ग्रुपको स्वामित्वमा रहेका सिजी इलेक्ट्रोनिक्स, सिजी इम्पेक्स र इओएमा ३३ करोड ९५ लाख क्षति पुगेको बताइएको थियो। तर युनाइटेड इन्स्योरेन्ससँग सुरुमा सिजीले ८५ करोड रुपैयाँ दाबी गरेको पाइएको छ।

युनाइटेड इन्स्योरेन्स चौधरी ग्रुपकै लगानीको कम्पनी हो। मुम्बईको जिआइसी इन्स्योरेन्स कम्पनीसँग युनाईटेडको पुर्नबिमा सम्झौता रहेको छ। प्रिमियमको केही प्रतिशत लिने सर्तमा नेपाली बिमा कम्पनीसँग विदेशी बिमा कम्पनीले ‘रिक्स कभर’ गरेबापत पुर्नबिमा सम्झौता गर्ने गर्छन्।

भारतीय कम्पनीसँग पैसा असुल गर्न योजनाअनुसार युनाइटेड र चौधरी ग्रुपकै मिलेमतोमा नियोजित रुपमा सो आगलागी गराइएको ठहर बिमा समितिले गरेको छ। बिमा समिति नेपालमा इन्स्योरेन्सहरुको नियामक निकाय हो।

उक्त आगलागीबापत दाबी गरिने रकम युनाइटेडबाट नब्यहाेरी सतप्रतिशत जिआइसीसँग मात्रै असुल गर्ने सुरुमा योजना बनाइएको बिमा समितिको छानवीनले देखाएको छ। त्यतिबेला जिआइसीसँग ८५ करोड रुपैयाँ दाबीको योजना बनेको थियो। तर भारतीय कम्पनीले ठूलो परिमाणको रकम देखाउँदा विश्वास नगर्ने र छानवीन गर्न सक्ने देखिएपछि रकम घटाएर करिब ५९ करोडमा झारिएको अनुसन्धानबाट खुलासा भएको बिमा समिति कानुन शाखा प्रमुख साम्यराज लामिछानेले नेपालखबरलाई बताए।

मिलेमतोको पहिलो आधार
यो प्रकरणमा सिजी इलेक्ट्रोनिक्ससहितका कम्पनीहरु र युनाइटेड इन्स्योरेन्सबीच मिलेमतो भएको यथेष्ट प्रमाणहरु भेटिएका छन्। क्षति भएको रकमभन्दा बढी रकम दिन इन्स्योरेन्स कम्पनी सहमत हुनु आफैँमा सन्देहपूर्ण रहेको लामिछानेको भनाइ छ। रकम बढाउन उनीहरुले किर्ते भर्पाइ गरेको उनले बताए।

‘नष्ट नभएको भवन तथा सामानलाई पनि नष्ट भएको भन्दा इन्स्योरेन्स कम्पनीले कसरी पत्यायो?’, बिमा समिति कानुन शाखा प्रमुख लामिछानेले भने, ‘आफ्नो कम्पनीमा बिमा भएको स्थानमा घटना भएपछि उसले धेरै अध्ययन गर्नु पर्ने भए पनि त्यो अध्ययन नगरी रकम दाबी गरेको छ। यसबाट दाबी गर्ने सिजी र इन्स्योरेन्स कम्पनीबीच मिलेमतो भएको प्रस्ट हुन्छ।’

मिलेमतोको दोस्रो आधार
जति ठूलो रकम दाबी गर्याे इन्स्योरेन्स कम्पनीहरुले त्यति नै धेरै अनुसन्धान र छानवीनपछि मात्र रकम निकासा गर्छन्। तर यो प्रकरणमा त्यस्तो तथ्यगत छानवीन भएको देखिँदैन। २०६९ असोज २८ मा भएको घटनाको २०७० असोज ८ गते बिमक कम्पनी युनाइटेड इन्स्योरेन्सले चौधरी ग्रुपलाई झण्डै ५९ करोड रुपैयाँको भुक्तानी गरेको थियो। युनाइटेडको चुक्ता पूँजी नै करिब १ अर्ब मात्रै छ।

‘चुक्ता पूँजी नै करिव ३० करोड भएको कम्पनीले कसरी ५९ करोड रुपैयाँ भुक्तान दिन सक्छ?’, लामिछानेले नेपालखबरसँग भने, ‘घटनाको सामान्य छानवीन गराई पैसा भुक्तान गरिनुले मिलेमतो भएको देखाउँछ।’  आगामी एक वर्षमा युनाइटेडले  चुक्ता पूँजी एक अर्व  पु¥याउने बताएको छ।

मिलेमतोको तेस्रो आधार
सीजी इलेक्ट्रोनिक्सले ८५ करोड रुपैयाँ दाबी गर्ने योजना बनाएको आगलागी घटनाको बिमा समितिले स्वतन्त्र छानवीन गर्दा ३३ करोड ९५ लाख क्षति भएको देखाएको थियो। मिलेमतोका कारण बढी क्षति मूल्यांकन गराउन सफल भएको लामिछानेको भनाइ छ।

रकम बढी असुल्न किर्ते भर्पाइ गराइएको समेत बिमा समितिको छानवीनबाट खुलेको छ। भुक्तानीको समय नतोकिँदै छिटोभन्दा छिटो किर्ते भर्पाइमार्फत् २४ करोड बढी भुक्तानी गर्न युनाइटेड इन्स्योरेन्सलाई पत्राचार गरेको बिमा समितिको अनुसन्धानले देखाएको छ।

२४ कराेड फिर्ता गर्न बिमा समितिको पत्राचार
उक्त घटनालाई लिएर उजुरी परेपछि दुरुपयोग अनुसन्धान आयोगमा बिमा समितिलाई छानविन गर्न पत्र काटेको थियो। बिमा समितिले छानविन गर्दा क्षति भन्दा बढी करिब २४ करोड रुपैयाँ भुक्तानी गरिसकेको पाइएको थियो।

मिलेमतोमा बिमा रकम उठाउने प्रपञ्च रचिएको पाइएपछि समितिले युनाइटेडका दुई कर्मचारीलाई आर्थिक जरिवाना तथा बिमा एजेन्टको लाइसेन्स खारेज गरिदिएको छ। क्षतिभन्दा बढी असुल गरिएको २४ करोड रुपैयाँ फिर्ता गर्न समितिले युनाइटेडलाई पत्र लेखेको छ। र, युनाइटेडलाई अग्नि बिमा समेत प्रविबन्ध लगाएको छ।

चौधरी ग्रुपको युनाइटेडमा लगानी कति ?
नेपालबाट फोब्र्सको अर्बपति सूचीमा परेका विनोद चौधरीको युनाइटेड इन्स्योरेन्समा २७ प्रतिशत शेयर स्वामित्व रहेको छ। चौधरी ग्रुपमार्फत १५ दशमलव ९६ प्रतिशत शेयर स्वामित्व छ भने सिजी फुड्सको नाममा १० दशमलव ७५ प्रतिशत शेयर स्वामित्व रहेको छ। यसअघि एमालेबाट सांसद भएका विनोद चौधरी अहिले नेपाली कांग्रेसको मधेशी कोटाबाट समानुपातिक तर्फका सांसद हुन्।

बिमा ठगी गरेको भन्दै रिट परेपछि उच्च अदालत पाटनले बिमा दाबीमा किर्ते भर्पाइ गरेको ठहर गर्दै फैसला सुनाएको छ। अदालतले सिजी ग्रुपबाट २४ करोड रुपैयाँ असुल्न बिमा समितिलाई आदेश दिएपछि समितिले तत्काल भुक्तानीका लागि युनाइटेड इन्स्योरेन्सलाई पत्राचार गरेको छ।

प्रकाशित २ बैशाख २०७५, आइतबार | 2018-04-15 19:38:22
Max TV
Max TV
Zen Travels
Vianet

author photo

दीपक भट्ट नेपालखबर वरिष्ठ संवाददाता हुन्

@bhattajee1

दीपक भट्टबाट थप


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • निगमकाे वाइडबडी अन्नपूर्ण विमान

    वाइडबडी खरिदमा कानुनका १४ वटा दफा उल्लंघन

    नेपाल वायु सेवा निगमले वाइडबडी विमान खरिद गर्दा सार्वजनिक खरिद ऐनका १४ वटा दफा उल्लंघन भएको देखिएको छ।

  • पार्टी एकताका दिन ३ जेठमा  झलनाथ खनाल बाहेक नेकपा केन्द्रीय सचिवालयका नेताहरु

    नेकपाका पाँच भर्सेस् चार शीर्ष नेताः कति एकता, कति भिन्नता?

    ओली-प्रचण्डसहित केन्द्रीय सचिवालयका पाँचजना नेता एकातिर र २२ असोजको बैठक बहिस्कार गरेका नेपाल–खनालसहितका चार नेता अर्काेतिर जस्तो देखिएपनि चार जना...

  • सुरेश गैरे

    सुरेशकाे शालीन संगीत यात्रा

    ‘मलाई सफ्ट र मेलेडियस् संगीतमा काम गर्न मन पर्छ’ सुरेश भन्छन्, ‘भारतीय मोर्डन गीतहरुबाट बढी प्रभावित छु। पप गीतहरु खासै मन पर्दैन’, उनी सुनाउँछन्।...

  • प्रचण्ड

    कास्कीबाट चौथो चुनाव लड्दैछन् प्रचण्ड?

    एउटै निर्वाचन क्षेत्रमा अल्झेर नबस्ने प्रचण्डको बिगतले पनि उनले आगामी निर्वाचनमा प्रतिस्पर्धाका लागि कास्की रोज्नसक्ने सम्भावनालाई नकार्न सकिँदैन।