दुई महिना थन्किएको ‘सगरमाथा’ ले हङकङबाट उडान थाल्यो


Kshamadevi Group


नेपाल एयरलाइन्सकाे जहाज
नेपाल एयरलाइन्सकाे जहाज

नेपाल वायु सेवा निगमको दुई महिना थन्किएको एयरबस ३२०—२०० सिरिजको जहाज भाडाको इन्जिन जडान गरी शनिबार हङकङ उडेको छ।

सिंगापुरमा मर्मत गरी बिहीबार काठमाडौं ल्याइएको नाइन एन—एकेडब्लु जहाजको शुक्रबार निगमका इन्जिनियरहरुले चेकजाँच गरेका थिए।

‘इन्जिन फेरेर आएको जहाजको शुक्रबार इन्जिनियरिङ जाँच गरिएको थियो। आज एघार बजे नियमित उडानका लागि हङकङ उडेको छ’, निगम स्रोतले नेपालखबरलाई भन्यो। याे जहाज अाजै राति यात्रु बाेकेर हङकङबाट फर्किनेछ।

पुष १० गते काठमाडौंबाट भारतको नयाँदिल्ली उडेको १ सय ५८ सिट क्षमताको सगरमाथा नामको सो जहाजको बाँया इन्जिन बिग्रिएपछि ईन्दिरा गान्धी अन्तर्राष्ट्रिय विमानस्थलमा ग्राउन्डेट भएको थियो। इन्जिन मर्मतका लागि समय लाग्ने भएपछि निगमले अमेरिकी ‘इन्टरनेसनल एरो इन्जिन’ ९आइएई० कम्पनीसँग मासिक १ लाख ५० हजार अमेरिकी डलर ९१ करोड ५० लाख रुपैयाँ० मा इन्जिन भाडामा लिएर जडान गरेको हो। निगमकाअनुसार चार महिनाको लागि आइएईको इन्जिन भाडामा लिइएको छ।

अमेरिकी कम्पनीको इन्जिन फेर्न माघ २८ मा जहाजलाई सिंगापुर पुर्याइएको थियो। विमान निर्माता कम्पनी र इन्जिन बनाउने कम्पनीले यात्रु बिनाको एउटा उडान गर्न सकिने बताएपछि दुई पाइलटले सो जहाजलाई उडाएर सिंगापुर लगेका थिए।

नेपाल वायुसेवा निगमले अन्तर्राष्ट्रय उडान गर्न युरोपको एयरबस कम्पनीसँग २०७१ माघ २५ मा ए ३२०–२०० सिरिजको विमान किनेको थियो। युरोपको एयरबस कम्पनीले अमेरिकी इन्जिन निर्माता कम्पनी आइएईका इन्जिन विमानमा प्रयोग गर्ने गर्छ। त्यसै कारण निगमले आइएईबाटै इन्जिन भाडामा लिएको जनाएको छ।

तीन वर्षअघि खरिद गरेको सो जहाज इन्जिनको वारेन्टी अवधि सकिएका कारण मर्मत खर्च निगमको आफैँले व्यहोरेको छ। सो इन्जिनको वारेन्टी अवधि ७ हजार घन्टा उडान समय बराबर थियो।

निगमसँग अन्तर्राष्ट्रिय उडान गर्न अमेरिकी जहाज निर्माता कम्पनी बोइङमा निर्मित १ सय ९० सिट क्षमताको बि ७५७–२०० सिरिजको एउटा विमान र ए ३२० सिरिजको दुईबाट विमान छन्। तीन जहाजबाट निगमले भारत, कतार, थाइल्यान्ड, मलेसिया, युएई र हङकङका आठ गन्तव्यमा उडान गरिरहेको छ।

उसले भारतका नयाँदिल्लीका लागि सातामा सात, मुम्बई र बैंगलोर तीन–तीन तथा युएईको दुबईका लागि सातामा चार उडान गरिरहेको छ। त्यसैगरी कतारको दोहा, मलेसियाको क्वालालम्पुर, थाइल्यान्डको बैंकक, र हङकङ प्रत्येक गन्तव्यका लागि सातामा तीन–तीन उडान गरिरहेको छ। वैशाखपछि निगमले एयरबसका दुइ वटा ठूला जहाज भित्र्याउने तयारी गरिसकेको छ।

प्रकाशित १२ फागुन २०७४, शनिबार | 2018-02-24 08:25:18
Max TV
Max TV
Vianet

author photo

बबिता तामाङ नेपालखबर संवाददाता हुन्

@BabitaGhising

बबिता तामाङबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • अपहरण धन्दाका खुँखारहरुः भीमसेन पण्डित, उदय सेट्टी, अमर टण्डन र रोहित पालिवाल

    खुँखार अपहरणकारी पण्डितले सेट्टी भेट्न किन पठाए जेलमा दूत?

    अपहरण र फिरौतीलाई व्यवस्थित र व्यवसायिक बनाएका भिमसेन पण्डित, अमर टण्डन र उदय सेट्टीले एक अर्काबीच सम्पर्क बढाइरहेको गोप्य सूचना प्रहरीले पाएको छ।

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...