रक्सौल–अमलेखगञ्ज पेट्रोलियम पाइपलाइन बिच्छ्याउन थालियो




राष्ट्रिय गौरवको आयोजनाका रुपमा रहेको रक्सौल–अमलेखगञ्ज पेट्रोलियम पदार्थको पाइपलाईन बिच्छ्याउने काम धमाधम भइरहेको छ। पेट्रोलियम पदार्थको सहज आपूर्तिका लागि सरकारल बिसं ७ भदौ २०७२ मा पेट्रोलियम पाइपलाइन ल्याउन भारतसँग औपचारिक सम्झौता गरेअनुसार आयोजनाको काम सुरु भएको हो।

सम्झौता सम्पन्न भएको ३० महिनामा उक्त परियोजना सम्पन्न हुने भनिएपनि विभिन्न अवरोधले काममा ढिलाई भएको नेपाल आयल निगमका प्रबक्ता वीरेन्द्र गोइतले बताए। सुरुमा वातावरणीय प्रभाव मुल्याङ्कनको काममा ढिलाई भएकोमा पछि रुख कटानीमा समस्या आउँदा काममा केही ढिलाई भएको गोइत बताउँछन्।

उनले भने, ‘उक्त आयोजनाको सम्बन्धमा वातावरण मन्त्रालयले पहिलो चरणको वातावरणीय प्रभाव मूल्याङ्कन प्रतिवेदन दिइसकेको छ र दोस्रो चरणको प्रतिवेदनपनि निर्माणको क्रममा छ।’

पाइपलाइन बिच्छ्याउने रुटमा स्थानीयहरुको घरसमेत पर्ने भएपछि स्थानीयवासीहरुले अवरोधको चेतावनी दिएका थिए।

यसले गर्दा आयोजना निर्माणमा अवरोध थपिने ठानिएको थियो। तर, स्थानीयवासीको सरोकार सम्बोधनका लागि शनिबार (२७ माघ) मात्र निगम तथा आयोजनाको साझेदार भारत सरकारको प्रतिनिधि छलफल भएको छ।

आयोजना निर्माणको पूर्व तयारीका सम्बन्धमा निगमले तयार पारेको एउटा प्रतिवेदनमा पाइपलाइन विछ्याउने रुटमा मात्रै झण्डै २५ हजार रुख काट्नुपर्ने देखिएको र ४ हजार हजार १ सय ३५ घरटहरा भत्काउनुपर्ने अवस्था रहेको उल्लेख छ।

गोइतका भनाईमा, पाइपलाइन विस्तारका लागि सडकको जग्गा व्यवस्थापन, विद्युत्, टेलिफोन लगायतका तार पनि समस्याको रुपमा देखिएको छ । र, त्यसलाई पनि समाधानको प्रयास गरिएको गोइतले बताए।

आयोजना ढिलाई हुनको कारणमध्ये एउटा रुट परिवर्तन पनि हो। सुरुमा रक्सौलबाट अमलेखगञ्जसम्म पाइप लाईन विच्छ्याउने भनिएको थियो। तर पछि भारतको मोतिहारीबाट रक्सौल हुँदै नेपाल प्रवेश गराउने गरी काम सुरु गरियो।

अघिल्लो रुटको कूल लम्बाई ४१ किलोमिटर थियो। त्यसमध्ये ३९ किलोमिटर नेपालतर्फ र दुई किलोमिटर भारतीय भूभागमा रहन्थ्यो। तर, पछिल्लोपटक तय गरिएको रुट अनुसार पेट्रोलियम पाइपलाइनको लम्बाई झण्डै ६८ दशमलव ९६ किलोमिटर पुगेको छ।

रक्सौल–अमलेखगञ्ज पाइपलाइन आयोजनाका लागि ४ अर्ब ४० करोड रुपैयाँ लगानी हुनेछ। त्यसमा आधा खर्च भारतले बेहोर्ने बताइएको छ।

प्रकाशित १ फागुन २०७४, मंगलबार | 2018-02-13 10:14:49
Max TV
Max TV
Zen Travels
Vianet


प्रतिकृया दिनुहोस

ntc
NLIC
Machhapuchhre Bank
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Machhapuchhre Bank
Prabhu Bank
Mega Bank
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • विदेशमा गैरकानुनी रुपमा थुपारिएको सम्पत्ति सम्बन्धी सीआइजे नेपालले प्रकाशित गरेको रिपोर्टसँगैको कार्टुन

    जसले तिब्बतसँग युद्ध गर्न लगेको साढे दुई करोड फिर्ता गरेनन्

    तिब्बतसँग युद्धका लागि हतियार किन्न चन्द्रशम्शेरले २ करोड ५० लाख रुपैयाँ तत्कालिन प्रधानसेनापति भीमशम्शेरलाई दिए। तिब्बतसँग युद्ध टरेपछि हतियार...

  • एन्फा अध्यक्ष कर्माछिरिङ शेर्पा(बीच) लगायत पदाधिकारीहरु

    बेरूजुको तीन करोड रुपैयाँ खोज्दै एन्फा

    अखिल नेपाल फुटबल संघ(एन्फा)ले अघिल्लो प्रशासनले दिएको झण्डै तीन करोड पेश्की रकम खोजी गर्ने कार्यलाई तीव्रता दिएको छ।

  • टुँडिखेलमा रहेको श्री ३ रणोद्दीप सिँहको सालिक

    राणाकालीन त्यो ‘विष्ट-संहार’ जसपछि काजी खलकले सुन्दैन स्वस्थानी व्रतकथा

    काजी बिष्ट खलकले त्यही बर्षदेखि आफ्नो परिवारमा स्वस्थानी वाचन र श्रवण गर्ने काम थालेको थियो। तर, त्यही बर्ष बिष्ट परिवार राणाहरुविरुद्धको...

  • नर्स र बिरामीकाे सांकेतिक तस्विर

    पुतली सडकका ठगको फन्दामा एउटी नर्सको क्यानडा सपना

    काठमाडौंको एउटा कलेजबाट बिएस्सी नर्सिङको पढाई पूरा गरेकी सिन्धुपाल्चोककी मनिषा (नाम परिवर्तन) थप अध्ययनका लागि क्यानडा जाने सोचमा थिइन्।