ad ad

छापा खबर


पानी खान नपाएपछि आत्महत्याको अनुमति माग गर्दै मोदीलाई पत्र

पानी खान नपाएपछि आत्महत्याको अनुमति माग गर्दै मोदीलाई पत्र

नेपालखबर
असार २, २०७६ सोमबार ०:३८,

भारतको उत्तर प्रदेशको हाथरसमा एक व्यक्ति र उनका तीन छोरीले प्रधानमन्त्री नरेन्द्र मोदीलाई पत्र लेखेर आत्महत्या गर्ने अनुमति मागेका छन्।

खानेपानी नपाएर पीडित भएपछि उनले पत्र लेखेको बताएका छन्। उनले थोपा थोपा पानीका लागि तड्पिनुभन्दा आत्महत्या गर्नु राम्रो ठानेको बताएका छन्। यो खबर आजको अन्नपूर्ण पोष्ट दैनिकले छापेको छ।

हाथरस जिल्लाको हासयान ब्लकमा बस्दै आएका चन्द्रपाल सिंहले नुनिलो पानी खान सम्भव नभएको बताएका छन्। खेतीकिसानी गर्दै आएका उनले आफ्नो क्षेत्रमा नुनिलो पानी मात्र पाएको बताएका छन्।

यसका लागि उनले सरकारी अधिकारीलाई भेटेको तर सुनुवाइ नभएको स्पष्ट पारेका छन्।

सिंहले भने, ‘हामी यो पानी खान सक्दैनौं। मेरा छोरी पनि यो पानी खाएपछि बान्ता गर्न थाल्छन्। पानीमा नुनको मात्रा अत्यधिक भएका कारण बालीनाली पनि बर्बाद भएको छ।’

बोतलको पानी किनेर खुवाउन सक्ने आफ्नो हैसियत नभएको उनले दाबी गरेका छन्। आफ्नो पीडा सरकारी अधिकारीलाई बताए पनि सुनुवाइ नभएको बताउँदै उनले भने, ‘मैले प्रधानमन्त्रीसँग आफू र आफ्ना छोरीको जीवन अन्त्य गर्ने अनुमति मागेको छु।’

उनका छिमेकीले पनि यस्तै दर्दनाक अवस्था रहेको बताएका छन्। स्थानीय बासिन्दा राकेश कुमारले भने, ‘पानी यति धेरै नुनिलो छ कि जनावरले पनि यो पानी खान मान्दैनन्। खान योग्य पानी लिन तीनचार किलोमिटर पैदल जानुपर्छ।’

त्यस क्षेत्रका सम्बद्ध अधिकारीले यस्तो समस्याको जानकारी नभएको भन्दै जवाफ दिएका छन्।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .