hongkong


हङकङमा प्रदर्शनकारीमाथि सेतो टिसर्टधारीले यसरी आक्रमण गरे (भिडियो)


नेपालखबर
हङकङ, साउन ६

हङकङमा सुपुर्दगी विधेयकविरुद्ध प्रदर्शनमा उत्रेका प्रदर्शनकारीमाथि सेतो टिसर्टधारीे समूहले आक्रमण गरेका छन्।

आइतबार राति सेतो टिसर्टधारी समूहले युन लङ एमटीआर स्टेसनमा आक्रमण गर्दा ४५ जना घाइते भएका छन्।

प्रदर्शनकारीमाथि आक्रमणकारीले रड लगायतका सामाग्रीले आक्रमण गरेको एससीएमपीले जनाएको छ।

आक्रमणकारीले आक्रमण गरिरहँदा प्रहरी त्यस क्षेत्रमा प्रवेश नगरेको प्रदर्शनकारीहरुले आरोप लगाएका छन्।

आफूहरुमाथि आक्रमण भइसकेपछि मात्र प्रहरी घटनास्थलमा आएको उनीहरुको भनाइ रहेको छ।

A protester had wounds to his eye and ear after being attacked at Yuen Long MTR station. Photo: Jeffie Lam

सरकारले ल्याएको सुपुर्दगी विधेयकविरुद्ध प्रदर्शन गरिसकेपछि प्रदर्शनकारी घर फर्किदै गर्दा उनीहरुमाथि आक्रमण भएको जनाइएको छ।

सेतो टिसर्टधारीले आक्रमण गरेको भिडियो तथा फोटोहरु सार्वजनिक भएका छन्। जहाँ आक्रमणकारीले प्रदर्शनकारीमाथि निर्घात कुटपिट गरेको देख्न सकिन्छ।

ती सेता टिसर्टधारी को हुन् भन्नेबारे अहिलेसम्म खुल्न सकेको छैन। हङकङ बचाऔंभन्दै प्रदर्शनकारीले प्रदर्शन गरेको जनाइएको छ।

शनिबारसमेत हङकङमा ३ लाख प्रदर्शनकारीले सुपुर्दगी विधेयकविरुद्ध आन्दोलन गरेका थिए।

सुपुर्दगी विधेयकमा हङकङ सरकारले आरोपित व्यक्तिहरुलाई चीनमा अनुसन्धानका लागि पठाउनसक्ने प्रावधान भएको बताइएको छ।

हङकङको स्वतन्त्रता गुम्ने खतरा भएकाले आन्दोलन गरेको प्रदर्शनकारीहरुको भनाइ छ।

(भिडियो)

साउन ६, २०७६, सोमबार
Building Future

प्रतिक्रिया

Danfe Global Hong Kong Pvt. Ltd.

FT 3 G/F Bo Lun Building, 28-34 Battery Street,
Yau Ma Tei, Kowloon Hong Kong

nepalkhabarhk@gmail.com
advertising@nepalkhabar.com

Hong Kong Team

Correspondent
Purna Gurung (Macau)

Radio Correspondent
Santosh Tamang
HK News Coordinator
Magendra Rai

Executive Editor
Thira Lal Bhusal

Editor in Chief
Purna Basnet
Copyright © 2021 Nepalkhabar. All Rights Reserved. Website by Curves n' Colors