फिफा विश्व वरीयतामा हङकङ १४७औँ स्थानमा, नेपाल १ स्थान तल झर्‍यो

बिहीबार जारी गरिएको पछिल्लो फिफा पुरुष विश्व वरीयतामा हङकङ फुटबल टिम १४७औँ स्थानमा परेको छ। जुन यसअघिको भन्दा ६ स्थान माथि उक्लिएको छ।

हङकङले हालैका अन्तर्राष्ट्रिय खेलहरूमा नेपालसँग ०-० को बराबरी खेलेको थियो भने र भारतमाथि १-० को जित निकालेको थियो।

यसैगरी चिनियाँ राष्ट्रिय टोलीले भने यसअघिको ९४औँ स्थान अपरिवर्तित राखेको छ। यो टिमले विश्वकप एसियाली छनोटमा इन्डोनेसियासँग १-० को हार बेहोरेको थियो भने बहराइनमाथि १-० को जित निकालेको थियो।

एसियाली टिममध्ये सबैभन्दा उच्च स्थानमा प्राप्त गर्ने जापान हो। जसले १७औँ स्थान कायम गरेको छ।

त्यस्तै, विश्वव्यापी रूपमा शीर्ष दसमा अर्जेन्टिना, स्पेन, फ्रान्स, इङ्गल्याण्ड, ब्राजिल, पोर्चुगल, नेदरल्यान्ड्स, बेल्जियम, जर्मनी र क्रोएसिया रहेका छन्।

यसैगरी, भारत ६ स्थान तल झरेर १३३ मा छ भने नेपाल एक स्थान तल झरेर १७६औँ स्थानमा छ।