हङकङमा विदेशबाट आउने सबै यात्रुलाई क्वारेन्टाइनमा राखिने

मंगलबार हङकङ सरकारले विदेशबाट आउने सबै यात्रुलाई १४ दिन क्वारेन्टाइनमा राख्ने घोषणा गरेको हो।

हङकङकी कार्यकारी प्रमुख क्यारी लामका अनुसार सबैलाई घरमै क्वारेन्टाइनमा राखिनेछ। उनीहरुचिकित्सकको निगरानीमा हुनेछन्।

मकाउ र ताइवानबाट हङकङ आएकामा भने यो नियम लागू नहुने जनाइएको छ।

विदेशबाट हङकङ फर्किएकामा धेरै कोरोना संक्रमण देखिन थालेपछि सरकारले विदेशबाट फर्कनै सबैलाई क्वारेन्टाइनमा राख्ने योजना ल्याएको हो।

यसैबीच क्वारेन्टाइनमा राखिएका सबैलाई सरकारले कडा निगरानीमा राख्ने भएको छ। हङकङले क्वारेन्टाइनमा बस्ने सबैले विद्युतीय रिस्टब्यान्ड अनिवार्य लगाउनुपर्ने नियम ल्याएको छ।

उक्त हाते फिताले मानिस कहाँ जान्छ भनेर सूचना दिनेछ। यसको सहयोगमा सरकारी अधिकारीले क्वारेन्टाइनमा बस्न भनिएका मानिसले नियम पालना गरेको छ या छैन भन्ने थाहा पाउनेछन्।

हालसम्म हङकङमा १५७ जना कोरोनाबाट संक्रमित छन्। चार जनाको मृत्यु भइसकेको छ।