हङकङको एक अपार्टमेन्टमा आगलागी

मंगलबार बिहान हङकङको क्वाइचुङमा रहेको एक अपार्टमेन्टमा आगलागी भएको छ।

बिहान करिब ८ बजे क्वाइचुङस्थित अनयाम स्टेट, करयाम हाउसको तेस्रो तल्लामा आगलागी भएको हो।

भान्साकोठामा सर्ट सर्किट भएर आगलागी भएको आशंका प्रहरीले गरेको छ।

घटनास्थलमा प्रहरी र दमकल पुग्नु अगावै स्थानीयले आगो निभाइसकेका थिए।

घटनामा कुनै मानवीय क्षति भएको छैन। धुवामा निस्सासिँदा एक जनाले असहज महसुस गरेकोले अस्पताल लगिएको थियो।

घटनाबारे विस्तृत अध्ययन भइरहेको प्रहरीले जनाएको छ।