हङकङमा बस दुर्घटना हुँदा चालकको मृत्यु

हङकङमा बस दुर्घटना हुँदा चालकको मृत्यु

बस पर्खालमा ठोकिँदा चालककाे मृत्यु भएको छ (द स्ट्याण्डर्ड)


नेपालखबर
मंसिर ८, २०८० शुक्रबार १३:५३, हङकङ

बिहीबार राति हङकङको ताइपोमा मिनिबस दुर्घटना हुँदा चालकको मृत्यु भएको छ।

राति करिब साढे ८ बजे नामवान रोडमा गुडिरहेको मिनिबस पर्खालमा ठोकिँदा उक्त दुर्घटना भएको हो।

नामवान रोडबाट दायाँ माडेर क्वोङ फुक रोडतर्फ जाने क्रममा बस पर्खालमा ठोकिएको हो।

दुर्घटनाग्रस्त बसमा फसेका चालकलाई दमकलद्वारा उद्धार गरिएको थियो।

गम्भीर चोटका कारण अचेत अवस्थामा रहेका उनलाई एलिस होमिउ लिङ नेदरसोल अस्पताल लगिएको थियो। राति साढे ९ बजे उनलाई अस्पतालले मृत घोषित गरेको थियो।

हङ उपनाम रहेका चालकले बिहीबार आफ्नो सिफ्टको छैटौँ यात्रा गरिरहेका थिए।

दुर्घटनामा ५८ वर्षका अर्का एक पुरुष यात्री पनि घाइते भएकाे प्रहरीले जनाएकाे छ।

प्रहरीले घटनाबारे अनुसन्धान गरिरहेको जनाएको छ। साथै, घटनाका प्रत्यक्षदर्शीलाई घटनाबारे जानकारी गराउन आग्रह गरिएको छ।

प्रतिक्रिया

Danfe Global Hong Kong Pvt. Ltd.

Ground Floor 9, Keybond Commercial Building,
No. 38 Ferry Street, Kowloon, Hong Kong

[email protected]
[email protected]

Hong Kong Team

Correspondent
Purna Gurung (Macau)

Radio Correspondent
Santosh Tamang
HK News Coordinator
Magendra Rai

Editor in Chief
Purna Basnet
Copyright © 2021 Nepalkhabar. All Rights Reserved. Designed by Curves n' Colors. Powered by .