हङकङतर्फ सोझिदै अर्को ठूलो आँधी, शुक्रबार बढी खतरा

हङकङ अब्जर्भेटरीले आउँदो शुक्रबारसम्म सहरको ४ सय किलोमिटरभित्र ‘कोइनु’ टाइफुन प्रवेश गर्ने प्रक्षेपण गरेको छ।

आइतबार दिउँसो कोइनु टाइफुन मनिलाको ९ सय किलोमिटर उत्तरपूर्वमा केन्द्रित रहेको बताइएको छ।

कोइनु मंगलबारसम्म हङकङको ८ सय किलोमिटरभित्र प्रवेश गर्ने र बुधबार तीव्र आँधीमा परिणत हुने अनुमान गरिएको छ।

यो आँधी शुक्रबारसम्म सहरको ४ सय किलोमिटरभित्र आइपुग्ने मौसमविद्हरूको पूर्वानुमान छ।

आँधीमा हावाको गति १५५ किलोमिटर प्रतिघण्टा पुग्ने अनुमान गरिएको छ। जुन सुपर टाइफुन साओलाभन्दा ४५ कम हो। साओलाले गत महिना हङकङमा विनाश ल्याएको थियो।