हङकङको चुनवानमा सञ्चालित एक रेष्टुरेष्टलाई खाद्य तथा पर्यावरण स्वच्छता विभागले १४ दिन निलम्बन गर्ने निर्णय गरेको छ।
चुनवानको २४ सामपेइ स्क्वायरमा अवस्थित उक्त रेष्टुरेण्ट अनधिकृत रूपमा ठाउँ ओगटेर व्यापार गरेको आरोपमा कारबाहीमा परेको हो।
भुइँ तला र ककलफ्ट ओगटेर रेष्टुरेण्ट सञ्चालन गरेको भन्दै विभागले १३ सेप्टेम्बरदेखि २६ सेप्टेम्बरसम्म सञ्चालन गर्न नपाउने गरी कारबाही गरेको हो।
रेष्टुरेण्टले फुड बिजनेस रेगुलेसन (एफबीआर) को उल्लंघन गरेको आरोप विभागको छ। यो रेष्टुरेण्टले यसअघि पनि गतवर्ष अक्टोबरमा र यसै वर्षको फेब्रुअरीमा पनि सोही कसुरमा सजाय भोगिसकेको थियो।
त्यतिवेला एक हप्ता निलम्बनका साथै दुई पटक गरी पाँच हजार पाँच सय हङकङ डलर जरिवाना तिराइएको थियो।
विभागको डिमेरिट पोइन्ट प्रणाली अन्तर्गत रेष्टुरेण्टले ३० डिमेरिट पोइन्ट प्राप्त गरेको पनि विभागले जनाएको छ।
बारम्बार एउटै प्रकृतिको कसुर गरेको भन्दै विभागले यसपटक १४ दिनका लागि सञ्चालन अनुमतिपत्र निलम्बन गरेको हो। साथै, यही कसुरमा हालसम्म यस रेष्टुरेण्टले सात हजार दुई सय हङकङ डलर जरिवाना तिरिसकेको छ।
Shares
प्रतिक्रिया