अब चीन र हङकङ आवतजावतमा कोरोनाका कुनै प्रतिबन्ध नलगाइने

मुख्यभूमि चीन र हङकङबीच अब कोरोनासम्बन्धी कुनै पनि प्रतिबन्ध नलगाई आवतजावत खुला गरिने भएको छ। 

बेइजिङको शीर्ष कार्यालयले शुक्रबार आगामी सोमबारदेखि दुई सहरबीच कोरोनासम्बन्धी कुनै सर्त नराखी आवतजावत खुला गरिने घोषणा गरेको हो। 

साउथ चाइना मर्निङ पोस्टका अनुसार सोमबारदेखि मुख्य भूमि चीन र हङकङ सहरबीच यात्रा गर्नेहरूले अब पीसीआर परीक्षणलगायत कुनै नियम पालना गरिरहनु पर्दैन।