कपिलवस्तुको माघी महोत्सवमा सिलिण्डर पड्किँदा एक जनाको मृत्यु

कपिलवस्तु बाडगंगाको माघी महोत्सवमा ग्यास सिलिण्डर पड्किँदा एक जनाको मृत्यु भएको छ।

बाडगंगा ९ कपिलधाममा सञ्चालित महोत्सवमा बेलुनमा भर्ने ग्यास सिलिण्डर विष्फोट भएको हो।

विष्फोटमा परि बेलुन व्यापारी बाडगंगा नगरपालिका वडा नम्बर ८ का ६५ वर्षीय नासिर मोहम्बदको मृत्यु भएको इलाका प्रहरी कार्यालय पिपराले जनाएको छ। 

घट्नाको बारेमा अनुसन्धान भइरहेको प्रहरी निरीक्षक दिपकबाबु केसीले जानकारी दिए।