सफलताका सूत्र कृति लोकार्पण

साहित्यकारद्वय डा. नम्रता पाण्डे र डा. प्रद्युम्नराज पाण्डेद्वारा संयुक्तरुपमा लिखित निवन्ध संग्रह सफलताका सूत्र यसैसाता लोकार्पण भएर बजारमा आएको छ।
दायित्व वाङमय प्रतिष्ठानद्वारा प्रकाशित भएको उक्त कृति प्रज्ञा भवनको भव्य समारोहबीच लोकार्पण भएको हो।

प्रमुख अतिथि नेपाली भाषा साहित्यका विज्ञ प्राडा बासुदेव त्रिपाठी, नेपाली भाषा साहित्यका प्रखर विद्वान प्राध्यापक गोपीकृष्ण शर्मा, प्रा. डा. भागवत ढकाल, प्राज्ञ दिनेशराज पन्त, कृषि मन्त्रालयका सचिव डा. गोविन्द शर्मा, योजना आयोगका सचिव केवल प्रसाद भण्डारी, पूर्वसचिव शंकरप्रसाद पाण्डे र दायित्व वाङमय प्रतिष्ठानका अध्यक्ष राम प्रसाद पन्तले संयुक्तरूपमा लोकार्पण गरेका थिए।
यसभन्दा अगाडि पनि दम्पतिद्वयको संयुक्त प्रयासमा प्रकाशित ‘आफ्नो किताब, ऊर्जा, रहस्य; जीवन र प्रेम’ कृति प्रकाशित भएको थियो ।