युनिकोड
झापाको इलाका प्रहरी कार्यालय काँकडभिट्टाको हिरासतमा रहेका एक थुनुवाको आज (बुधबार) मृत्यु भएको छ।
मृत्यु हुनेमा मेचीनगर नगरपालिका–७ पालिया का २८ वर्षीय झकबहादुर खड्का छन्।
खड्का चार दिनअघि लागुऔषधसहित मेचीनगर–६ बाट पक्राउ परेका थिए।
उनलाई जिल्ला अदालतबाट पाँच दिनको म्याद थप गरी इप्रका काँकडभिट्टाको हिरासतमा राखेर प्रहरीले थप अनुसन्धान गरिरहेको थियो।
मङ्गलबार राति १:४० बजे स्वास्थ्यमा समस्या आएपछि खड्कालाई उपचारका लागि धुलाबारीस्थित आम्दा अस्पताल पुर्याइएको जिल्ला प्रहरी कार्यालयका प्रवक्ता कृष्णबहादुर चन्दले जानकारी दिए। उपचारका क्रममा खड्काको मृत्यु भएको उनले बताए।
यसैगरी झापाकै भद्रपुरस्थित प्रादेशिक अस्पतालका कर्मचारी आज अस्पतालमै मृत भेटिएका छन्।
अस्पतालको स्वास्थ्य बिमा दाबी गर्ने शाखामा करारमा कार्यरत स्वास्थ्य सहायक २४ वर्षीय सुरज शर्मा अस्पतालभित्रै झुन्डिएको अवस्थामा फेला परेको जिल्ला प्रहरी कार्यालयले जनाएको छ।
प्रतिक्रिया