इजरायलले भन्यो: इरानको राष्ट्रपति कार्यालयमा हान्यौँ

इजरायली सेनाले आफ्नो वायुसेनाले इरानको राष्ट्रपति कार्यालयलाई निसाना बनाएको दाबी गरेको छ।

टेलिग्राममा जारी गरिएको विज्ञप्तिमा, इजरायल रक्षा बल (आईडीएफ) ले भनेको छ, 'धेरै गोलाबारुद राष्ट्रपति कार्यालय र सर्वोच्च राष्ट्रिय सुरक्षा परिषद्मा खसालिएको छ।'

आईडीएफका अनुसार आक्रमणले इरानका तत्कालीन सर्वोच्च नेता अयातुल्लाह अली खामेनीले प्रयोग गर्ने सरकारी परिसरलाई लक्ष्य गरेको थियो। गत हप्ता सोही परिसरमा भएको अमेरिकी-इजरायली आक्रमणमा खामेनी मारिएका थिए।।

आईडीएफले अगाडि भनेको छ, 'एक सैन्य प्रशिक्षण संस्थान र केही अन्य महत्त्वपूर्ण सरकारी स्थानलाई पनि निसाना बनाइएको छ।'

आक्रमणको विस्तृत विवरण आइसकेको छैन।