युनिकोड
रुसका राष्ट्रपति भ्लादिमिर पुटिनले युक्रेनमा एकपक्षीय इस्टर युद्धविरामको घोषणा गरेका छन्।
उनले युद्धविराम अवधिमा युक्रेनमा सबै सैन्य कारबाही रोक्न आदेश दिएका छन् र युक्रेनले पनि त्यस्तै गर्ने अपेक्षा गरेको बताएका छन्।
अनलाइन सेयर गरिएको भिडिओमा पुटिनले भनेका छन्- यदि कुनै उत्तेजना उत्पन्न भएमा वा युद्धविराम उल्लंघन भएमा रुसी सेनाहरू प्रतिकार गर्न तयार हुनेछन्।
रुसी रक्षा मन्त्रालयले विज्ञप्ति जारी गर्दै रुसले मस्को समयअनुसार शनिबार साँझ ६ बजेदेखि आइतबार मध्यरातसम्म सबै सैन्य अपरेसन रोक्ने पुष्टि गरेको छ।
मन्त्रालयले सबै सैन्य कारबाही रोक्न आदेश दिइएको बताएको छ।
यसअघि शुक्रबार मात्र अमेरिकाका राष्ट्रपति डोनाल्ड ट्रम्प र विदेशमन्त्री मार्को रुबियोले युद्धविरामको संकेत नदेखिए रुस-युक्रेनबीच शान्ति स्थापनाका लागि अमेरिकाले मध्यस्थताबाट हात झिक्ने चेतावनी दिएका थिए।
प्रतिक्रिया