NepalKhabar NepalKhabar

ग्लोबल


युक्रेन–रुस युद्धले खोस्यो फिनल्यान्डवासीको खुसी

जहाँ ५ हजारभन्दा बढी नेपाली बस्छन्
युक्रेन–रुस युद्धले खोस्यो फिनल्यान्डवासीको खुसी

हरि लामिछाने
भदौ २ , हेल्सिन्की

युक्रेन–रसिया युद्धका कारण विश्वका अधिकतर मुलुक मूल्यवृद्धिको मारमा छन्। शिक्षा र रोजगारीका अवसरमा युरोपका विभिन्न मुलुक पुगेका नेपालीलाई पनि मूल्यवृद्धिले दुःख दिएको छ। लामो समयदेखि हेल्सिन्की बसिरहेका नेपालीले युक्रेन–रसिया युद्धका कारण यहाँको दैनिक जीवनमा नराम्रो असर परेको बताएका छन्। फिनल्यान्डमै जन्मिएर विभिन्न स्थानमा रेस्टुरेन्ट सञ्चालन गरिरहेका २९ वर्षीय अरुण शर्माले फिनल्यान्डका नागरिकसहित नेपाली पनि मूल्यवृद्धिको मारमा परेको बताए। 

सामाजिक सुरक्षा राम्रो भए पनि झण्डै दोब्बर भएको मूल्यवृद्धिले हरेकलाई दुःख दिएको छ। शर्माको परिवार विगत ४० वर्षदेखि फिनल्यान्डमै छ। यूएनडीपीको ‘वर्ल्ड’ ह्याप्पीनेस इन्डेक्स’का अनुसार फिनिस नागरिक विश्वका अन्य देशका नागरिकभन्दा खुसी छन्।

तर युद्धकै कारण अवस्था फेरिँदै गएको छ। जग्गा र घर खरिद गर्नेभन्दा आर्जन गरेको रकम रेस्टुरेन्ट तथा होटलमा गएर खर्च गर्ने, विभिन्न खेलमा रमाउने संस्कार भएका फिनिस नागरिकको दैनिकीमा परिवर्तन आएको छ। उनीहरुले खर्च कम गर्न थालेका छन्। घुम्ने र रमाउने बानी परेका फिनिस नागरिक बचतमा लागेका छन्। 

युद्धका नकारात्मक समाचार आउन थालेपछि झन् उनीहरु पहिलेजस्तो रमाउन पनि छाडेका छन्। युद्धका कारण सामाजिक एवं आर्थिक समस्या निम्तिएकाले उनीहरुको संस्कारमा समेत परिवर्तन आउन थालेको देखिएको हो। 

हेल्सिन्कीको ‘डाउन टाउन’स्थित माउन्ट एभरेस्टमा काम गरिरहेका शर्माले भने, ‘यहाँका नागरिकले पनि पैसा खर्च गर्न छोडे, बचतमा लागेका छन्।’

उनका अनुसार दैनिक उपभोग्य वस्तुमा उच्च मूल्यवृद्धि भएका कारण उनीहरू खर्च कटौती गर्दै छन्। सोही कारण फिनिस अर्थतन्त्रमा नै समस्या देखिन थालेको पाइएको छ।

यहाँको आन्तरिक र बाह्य व्यापारका धेरै असर देखिएको छ। पेट्रोलियम पदार्थको मूल्य दोब्बर भएको छ। ग्यास बिक्री गर्ने कम्पनीले पहिले रुसबाट ग्यास ल्याएर बिक्री गरिरहेकामा अहिले त्यहाँबाट ग्यास नआएपछि अन्य क्षेत्रबाट आएको ग्यास महँगो मूल्यमा बिक्री गरिहेका छन्।
हेल्सिन्कीको वर्तमान वास्ताविक तथ्य प्रस्तुत गर्दै अरुण शर्माले भने, ‘यही २०२२  फेब्रेवरी २४ देखि मूल्यवृद्धि उच्च भएको छ। यस अवधिमा यहाँ ९ दशमलव ५ प्रतिशतको मूल्यवृद्धि छ।

त्यसैगरी पर्यटक आउने क्रम पनि ह्वात्तै घटेको छ। सात वर्षदेखि हेल्सिन्की बसिरहेका सागर खरेलले धेरै खर्च गर्ने रुसी पर्यटक फिनल्यान्ड आउन छोडेको बताए। 

महँगीले फिनल्यान्डका सबै क्षेत्रलाई असर गरेको उल्लेख गर्दै उनले भने, ‘दैनिक उपभोग्य वस्तु महँगो भएको छ। तलब बढेको छैन। पहिले थोरै पैसाले धेरै पाइन्थ्यो भने अहिले त्यस्तो छैन।’ 

खरेलका अनुसार यहाँको पैसा सस्तो हुँदै गएको छ। युरो र डलर लगभग एउटै छ। पहिला त्यस्तो थिएन।

१० वर्षदेखि हेल्सिन्की बसिरहेका मुरारी भण्डारीका अनुसार फिनल्यान्ड र रसियाबीचमा जनस्तरको सम्बन्ध छ। त्यसैले युरोपका अन्य मुलुकभन्दा फिनल्यान्डमा धेरै असर परेको छ। उनले भने, ‘फिनल्यान्ड र रसियाको सम्बन्ध भनेको नेपाल र भारतको जस्तै हो। सबै क्षेत्रमा असर परेको छ। रसियाबाट पर्यटक आउने गर्थे तर अहिले त्यस्तो छैन।’

त्यसैगरी फिनल्यान्ड ४० वर्षदेखि बसिरहेका भक्तिराम भण्डारीले पनि मूल्यवृद्धिका कारण देशमा असर परेको बताए। उनले भने, ‘दैनिक उपभोग गर्ने सामग्री खरिद गर्न मुस्किल भएको छ, पेट्रोलको मूल्य बढेको छ। पहिला प्रतिलिटर एक युरो ३० सेन्टमा पाइने पेट्रोल अहिले दुई युरो १० सेन्ट पुगेको छ। एक महिना पहिला त झण्डै प्रतिलिटर तीन युरोसम्म पुग्यो । यहाँका लागि यो अत्यधिक हो।’

यहाँका नागरिकले मात्र होइन, सरकारले पनि मूल्यवृद्धिको सकस भोग्नुपरेको छ। ऊर्जा, जलस्रोत तथा सिँचाइमन्त्री पम्फा भुसाल र फिनल्यान्डका विकास सहायता तथा अन्तरराष्ट्रिय व्यापार मन्त्री झिल्ले स्किन्नरी बीच मङ्गलबार यहाँ भएको भेटवार्ताका क्रममा पनि मूल्यवृद्धिको विषय प्रवेश पाएको थियो। स्किन्नरीले युक्रेन र रुस युद्धका कारण फिनल्यान्डले खाद्यान्न र पेट्रोलियम पदार्थको मूल्य उच्च भएर र त्यसले यहाँको सामाजिक एवं आर्थिक समस्या निम्त्याएको बताए। 

फिनिस नेपाली समाजका सचिव नवीन भट्टराईका अनुसार फिनल्यान्डमा पाँच हजारभन्दा बढी नेपाली बसिरहेका छन्। सबैभन्दा बढी हेल्सिन्कीमा छन्। यहाँका नेपालीलाई बेरोजगार बस्न त परेको छैन तर पछिल्लो समय मूल्यवृद्धिको समस्याले भने सताएको छ। रासस

भदौ २, २०७९, बिहीबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.