युनिकोड
संयुक्त राष्ट्रसंघका महासचिव एन्टोनियो गुटेरेसले संयुक्त राज्य अमेरिका र चीनलाई वार्तामा बस्न आग्रह गरेका छन्।
मंगलबार संयुक्त राष्ट्रसंघको महासभा उद्घाटन समारोहलाई सम्बोधन गर्दै महासचिव गुटरेसले अमेरिका र चीनलाई तिक्तता त्याग्न आग्रह गरेका हुन्।
‘तिक्तता र अन्य यस्तै गतिविधिले विश्व विभाजित हुँदै जान सक्छ,’ गुटरेसले भने, ‘तसर्थ, म अमेरिका र चीनलाई वार्तामा बस्न र आपसी बैमनस्यतालाई कम गर्न आग्रह गर्छु। यो समस्या समाधानका लागि एक प्रारम्भिक विन्दु हो र शीतयुद्धको तुलनामा यसबारे धेरै कम पूर्वानुमान गर्न सकिने छ।’
उनले विश्वासलाई पुनः स्थापित गर्न र आशालाई प्रेरित गर्नका लागि संयुक्त राष्ट्रसंघलाई सबैको सहयोग जरुरी रहेकोमासमेत जोड दिए। एजेन्सी
प्रतिक्रिया