युनिकोड
प्रवासमा बसेर पत्रकारिता गरिरहेका क्रियाशील नेपाली पत्रकारले गैरआवसीय पत्रकार महासङ्घ गठन गरेका छन्।
भर्चुअल माध्यमबाट बुधबार बसेको पत्रकारहरुको भेलाले बिबिसी नेपाली सेवाका पूर्व पत्रकार भगिरथ योगीको अध्यक्षतामा नौ सदस्यीय महासङ्घ गठन गरेको हो।
त्यस्तै सल्लाहकारमा डा भरतराज पौडेल (अस्ट्रेलिया) तथा डा जगन अधिकारी (युके) रहेका छन्। यस्तै जुन देशमा महासङ्घ दर्ता हुन्छ, त्यही देशबाट कोषाध्यक्ष मनोनयन गरिने जनाइएको छ।
बितेको एक दशकमा नेपालबाहिर नेपाली अनलाइन पोर्टल लगायतका सञ्चारमाध्यमको उल्लेख्य वृद्धि भएको छ। तिनको दिगोपना र गुणस्तरमा भने समस्या देखिएको छ। त्यस्तै प्रवासमा क्रियाशील सबै पत्रकारलाई मान्य हुने गरी आचारसंहिताको विकास गर्नुपर्ने आवश्यकता पनि देखिएको बताइएको छ। साथै अमेरिका, युरोप, अस्ट्रेलिया लगायतका मुलुकमा क्रियाशील नेपाली पत्रकारका संस्थासँग सहकार्य गरी प्रवासमा नेपाली पत्रकारितालाई अरू बढी गरिमापूर्ण र व्यावसायिक बनाउन महासङ्घ गठन गरिएको महासङ्घका अध्यक्ष योगीले बताए।
महासङ्घले विदेशमा रहेका नेपाली पत्रकारलाई सङ्गठित गर्दै व्यावसायिक नेतृत्व प्रदान गर्ने, सञ्चार क्षेत्रको विकासका लागि नेपालमा रहेका पत्रकारितासँग सम्बन्धित सङ्घसंस्थासँग सहकार्य गर्ने, प्रवासमा नेपाली भाषा, कला, संस्कृति र नेपाली पहिचानको प्रवद्र्धनका लागि काम गर्ने जनाएको छ। रासस
प्रतिक्रिया