सलिना बिकेको स्वरमा आयो ‘द ब्ल्यू लाइट’को गीत ‘कुन हावाले’

फिल्म ‘द ब्ल्यू लाइट’को गीत सार्वजनिक भएको छ। निर्माण टिमले ‘मौरी पिक्चर्स’मार्फत ‘कुन हावाले’ बोलको गीतको गीत ल्याएको हो। 

सितुस्मा अधिकारीको शब्द रहेको फिल्ममा एसडी योगीको संगीत र सलिना बिकेको स्वर सुन्न सकिन्छ। 

सपना साकार हुन नपाउँदै भत्किएको संसार गीतमा सुन्न सकिन्छ। मर्मस्पर्शी गीतमा वाचा बाँधेर पूरा नगरी हिँड्नेहरूको कथा समेटेको गीतमा सपना भताभुंगा हुँदाको पीडा र छटपटीलाई समेटेको छ। 

गीतको भिडिओमा आयुशमान देशराज जोशी, बेनिशा हमाल, अर्पण थापा र सृष्टि श्रेष्ठको अभिनय छ। वियोगान्त गीतले चलचित्रको कथा संकेत गरेको छ। यो फिल्म साइकोलोजिकल थ्रिलर जनरामा निर्माण भएको हो। 

यस फिल्ममा बेनिशा, अर्पण, आयुशमान, सृष्टिसहित महेश त्रिपाठी र सुरक्षा इटानी मुख्य भूमिकामा छन् । ‘द ब्ल्यू लाइट’मा बाल कलाकारमा ग्रिस्मा कटुवाल र सहारा शर्मा छन् । बलिराम चौहानको निर्देशन रहेको यो फिल्म माघ १६ गते रिलिज हुँदैछ। 

स्काइफल पिक्चर्सले प्रस्तुत गरेको ‘द ब्ल्यू लाइट’को को–प्रोडुसरको रुपमा भोलानाथ कटुवाल र रमन ग्रे रहेका छन्। कार्यकारी निर्मातामा भने छायाकार नरेन्द्र मैनाली र अभिनेत्री बेनिशा हमाल छन् ।