नागढुंगा सुरुङमार्गको काम अब ४० प्रतिशतमात्रै सम्पन्न गर्न बाँकी छ।
नागढुंगा सुरुङमार्ग निर्माण आयोजनाका अनुसार आइतबारसम्म ६० प्रतिशत काम सकिएको हो।
मुख्य सुरुङमार्ग २ हजार ६८८ मिटरमध्ये १४ सय ७५ मिटर खनिएको छ। जसमा पूर्वबाट ७७० र पश्चिमबाट ७०५ मिटर रहेको आयोजनाले जनाएको छ।
आकस्मिक सुरुङमार्ग २ हजार ५५७ मिटर रहेकोमा १६ सय १३ मिटर खनिएको छ। मुख्य सुरुङमार्ग र आकस्मिक सुरुङमार्गको क्रस प्यासेज १२८ मिटरमध्ये ६२ मिटर छ।
कुल ५ हजार ४९९ मिटरमध्ये ३ हजार २७६ मिटर सुरुङ खनिएको छ। सुरुङमार्गमा कंक्रिट लाइनिङको काम २१ प्रतिशत पुगेको छ।
आयोजना निर्देशक नरेशमान शाक्यका अनुसार कुल भौतिक प्रगति ४१ प्रतिशत र वित्तीय प्रगति ४७ प्रतिशत पुगेको छ।
आयोजनामा ३ वटा अन्डरपास, ४ वटा बक्सकल्भर्ट, १ वटा ओभरपास, ३ वटा पुल निर्माणसम्पन्न भएको छ। फ्लाईओभरको काम भने बाँकी छ।
लामो समय जग्गा अधिग्रहण गर्न नसकेको आयोजनाले ८५ प्रतिशत जग्गा अधिग्रहण गरेको छ। ४ वटा फाउन्डेसनमध्ये २ वटाको काम सम्पन्न भएको शाक्यले जनाएका छन्।
Shares
प्रतिक्रिया