कारोबार


आधा बढी खनियो नागढुंगा सुरुङमार्ग

आधा बढी खनियो नागढुंगा सुरुङमार्ग

नेपालखबर
बैशाख ३१ , काठमाडौँ

नागढुंगा सुरुङ मार्गको आधा बढी काम सम्पन्न भएको छ। नागढुंगा सुरुङमार्ग खन्ने काम ५०.९० प्रतिशत सकिएको हो। 

सुरुङमार्ग आयोजना प्रमुख नरेशमान शाक्यले २७ सय ९६ मिटर सुरुङमार्ग सम्पन्न भएको जानकारी दिए। 

शाक्यका अनुसार २६ सय ८८ मिटर लम्बाइको मुख्य सुरुङमार्ग पूर्वबाट ६०१ मिटर र पश्चिमबाट ६०३ मिटर सम्पन्न भएको छ। आकस्मिक सुरुङमार्गको २५ सय ५७ मिटर लम्बाइमध्ये पूर्वमा ८२८ मिटर र पश्चिममा ५९१ प्रतिशत सम्पन्न भएको छ। 

वर्किङ अडिटको लागि १२६ मिटर सुरुङ खनेको छ। मुख्य सुरुङमार्ग र आकस्मिक सुरुङमार्गबीच खन्नुपर्ने सुरुङमार्ग ४४ मिटर खनिएको छ। क्रस प्यासेजको लागि १२८ मिटर सुरुङ खन्नुपर्छ। 

आयोजनामा कुल सुरुङ ५ हजार ४९९ मिटर खन्नुपर्छ जसमा पूर्वबाट १४ सय ५७ मिटर खनिएको छ भने पश्चिमबाट १३ सय ३६ मिटर गरी २७ सय ९६ मिटर खनिएको छ। 

आयोजनामा ३ वटा अन्डरपास गर्नुपर्नेमा २ वटा सम्पन्न भएको छ। बक्स कल्भर्ट ४ वटा बनाउनुपर्नेमा सबै बनेका छन्। १ वटा ओभरपास र ३ वटा पुल निर्माण सम्पन्न भएका छन्। आयोजनामा १ वटा फ्लाई ओभर बनाउनुपर्छ। फ्लाई ओभरको लागि जग्गाप्राप्तिको काम नै बाँकी रहेको छ। 

सुरुङमार्गसम्म पुग्ने सडक विस्तारको काम ७६ प्रतिशत सम्पन्न भएको छ भने फाइलिङ ३९ प्रतिशत सम्पन्न भएको छ। 

सुरुङमार्ग खन्ने काम ५० प्रतिशत भए पनि भौतिक पूर्वाधारको काम ३५.५ प्रतिशत सम्पन्न भएको छ। आर्थिक प्रगति भने ४५.५० प्रतिशत रहेको छ। 

३ दिन बन्द 
आयोजना प्रमुख शाक्यले स्थानीय तहको निर्वाचनका लागि ३ दिन काम रोकिएको बताए। वैशाख २९ देखि ३१ गतेसम्म बन्द हुनेछ। 

जापान सरकारको ‘सफ्ट लोन’मा २०७६ कात्तिकमा ४२ महिनामा सम्पन्न गर्ने गरी सो आयोजना निर्माण सुरु भएको थियो। जापानी निर्माण संस्था हाजमा आङ्दो कर्पोरेसनबीच २०७६ असोजमा सम्झौता भई निर्माण भइरहेको छ। 

मुआब्जा विवाद, स्थानीयबासीको अवरोधलगायतका कारण वि.सं. २०७६ फागुनबाट निर्माण थालिएको थियो। स्थानीयहरुले केही समयअघि पनि विभिन्न माग राख्दै अवरोध गरेका थिए।

बैशाख ३१, २०७९, शनिबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed by Curves n' Colors. Powered by .
ad ad