यात्रु तथा खाना ओसार पसार गर्दै आएको राइड सेयरिङ्ग एप साथीले कोरोना भाइरसको शंका भएका व्यक्तिहरुका लागि घरमै पीसीआर परीक्षण गर्न सकिने विशेष सेवा सुरु गरेको छ।
बाइक तथा स्कुटरको माध्यमबाट राइड सेयरिङ, कार रेन्टल , पिक एण्ड डेलिभरी गर्दै आएको साथी एपले कोरोना माहामारीको अवस्थामा घरमै पीसीआर गर्ने व्यवस्था गरेको हो।
विगत लामो समयदेखि राइड सेयरिङ्ग सुविधा दिँदै आएको साथी राइडले यस कोरोना महामारीको विषम परिस्थितिलाई न्यूनीकरण गर्न ‘घरमै बसौं, सुरक्षित रहौँ’ भन्ने नाराका साथ सेवा सुचारु गरेको छ।
साथी एपले विभिन्न अस्पताल तथा प्रयोगशालाहरुसँग सहकार्य गरी सर्वसाधारणलाई सहज तथा सुरक्षाको लागि घरमै पीसीआर स्वाब संकलन गर्न मद्दत गर्न सुरु गरेको जनाएको छ।
3
Shares
प्रतिक्रिया