सुनको मूल्य १ लाख नाघ्यो

सुनको मूल्य १ लाखभन्दा माथि पुगेको छ। छापावाल सुन प्रतितोला १ लाख १ हजार ४ सय रुपैयाँ पुगेको हो।

सुनचाँदी व्यवसायी महासंघका अनुसार मंगलबारको तुलनामा बुधबार १ हजार ६ सय रुपैयाँ बढेको हो।

मंगलबार ९९ हजार ८ सय रुपैयाँ प्रतितोलामा सुन कारोबार भएको थियो। त्यस्तै चाँदीको मूल्य पनि निरन्तर बढिरहेको छ। बुधबार प्रतितोला १ हजार २ सय ९५ रुपैयाँमा कायम भएको महासंघले जानकारी दिएको छ।

अन्तर्राष्ट्रिय बजारमा पनि सुन झण्डै २ हजार डलर प्रतिऔँस पुगेको छ। खासगरी कोरोना महामारी र चीन–अमेरिका तनाव बढ्दा त्यसको असर सुनमा परेको हो। नेपालमा नयाँ बजेटयता निरन्तर बढिरहेको सुन साउन लागेयता बढेको बढ्यै छ।