युनिकोड
नेपाल उद्योग वाणिज्य महासंघको ६०औँ वार्षिक साधारणसभाअन्तर्गत नयाँ कार्यसमितिका लागि भएको निर्वाचनको अधिकांश पदका नतिजा सार्वजनिक भएको छ।
मंगलबार भएको मतदानपछि वस्तुगत, जिल्ला–नगर र एसोसिएटतर्फका प्रमुख पदहरूको टुंगो लागेको हो।
वस्तुगत उपाध्यक्षमा नरेशलाल श्रेष्ठ झिनो अन्तरले विजयी भएका छन्। उनले निकटतम प्रतिद्वन्द्वी शिव घिमिरेलाई मात्र ३ मतले पछि पार्दै ६३ मत प्राप्त गरे भने घिमिरे ६० मतमै सीमित भए। श्रेष्ठलाई निवर्तमान अध्यक्ष चन्द्र ढकाल र घिमिरेलाई वरिष्ठ उपाध्यक्ष अन्जन श्रेष्ठको समर्थन थियो।
जिल्ला–नगर उपाध्यक्षतर्फ कृष्णप्रसाद शर्मा र दिलसुन्दर श्रेष्ठ निर्वाचित भएका छन्। शर्माले ८७ र श्रेष्ठले ८० मत ल्याउँदै प्यानललाई स्पष्ट जित दिलाए। यस पदका अन्य प्रत्याशी उमेश डालमिया र कल्पना गैह्रे पराजित भए। यता, एसोसिएट उपाध्यक्ष पदको नतिजा आउन बाँकी रहँदा प्रबलजंग पाण्डे र ज्योत्स्ना श्रेष्ठबीच कडा प्रतिस्पर्धा देखिएको छ।
एसोसिएट सदस्यतर्फ १७ सिटका लागि भएको प्रतिस्पर्धामा सचिन ढकाल १३१८ मतसहित पहिलो स्थानमा निर्वाचित भए। उनका पछाडि हेमन्त गोल्छा (१२०२), अम्बिका प्रसाद पौडेल (११८३), उज्ज्वल कुमार श्रेष्ठ (११४६) र शक्ति कुमार बेगानी (११४२) रहे।
यसैगरी ऋषि अग्रवाल, राजेश कुमार अग्रवाल, सुयस प्याकुरेल, सुशील थापा, रामशरण भण्डारी, बाबु काजी कार्की, दिवश न्यौपाने, प्रियराज रेग्मी, ईश्वरबहादुर जी.सी., सुरज उप्रेती, कृष्णलाल महर्जन र डा. रामशरण थपलियाले पनि कार्यसमितिमा स्थान सुरक्षित गरेका छन्।
जिल्ला–नगर खुला सदस्यतर्फ १५ जना निर्वाचित भएका छन्। अर्जुनकुमार श्रेष्ठ, प्रयास कार्की, लक्ष्मणराज पौडेल र छत्रधर आत्रेयसहित कृष्ण कटुवाल, मोहनप्रसाद श्रेष्ठ, सन्तोष खड्का, दीपक नेपाल, केशवप्रसाद भण्डारी, गोकुल श्रेष्ठ, हरिप्रसाद अर्याल, ताराबहादुर कार्की, शंकर गिरी, उज्ज्वलप्रसाद कसजु र सुदर्शन कार्की विजयी भएका छन्। महिला सदस्यतर्फ गीता अमात्य र हीरा भट्टराई निर्वाचित भएका छन्।
वस्तुगत सदस्यतर्फ १३ जना निर्वाचित हुँदा अरनिको राजभण्डारी ७० मतसहित शीर्ष स्थानमा रहे।
अन्य विजेतामा विदुर धमला, सागर ढकाल, रविन पुरी, राजकुमार कार्की, पशुपति देव पाण्डे, लिलेन्द्र प्रधान, भक्तबहादुर हमाल, नानिराज घिमिरे, संघर्ष विष्ट र होमप्रसाद घिमिरे रहेका छन्। यसै समूहको महिला सदस्यमा सुनिता न्हेम्हाफुकी ५४ मतसहित विजयी भइन्, उनले कमला श्रेष्ठलाई पराजित गरिन्।
प्रतिक्रिया