नेपाल एयरलाइन्सको दक्षिण कोरिया जाने उडान रद्द भएको छ। नेपाल एयरलाइन्सले अप्रिल ३० मा नेपाली कामदार लिएर दक्षिण कोरिया जाने तालिका रहेको थियो।
‘जहाजमा जाने सबै यात्रुको कोरोना संक्रमण स्वास्थ्य परिक्षण अनिवार्य रहेको छ’, वायुसेवा निगमकी प्रवक्ता अर्चना खड्काले भनिन्, ‘भोलिसम्म नसकिने भएकाले उडान रद्द भएको हो।’
उडान स्थगित भएको जहाज जानेबारे निश्चित नभएको र सबै यात्रुको परीक्षण रिपोर्ट आएपछि मात्रै उडान हुने खड्काको भनाइ छ।
कोरियन भाषा परीक्षा (ईपीएस) पास गरेका नेपाली कामदारलाई भित्रिन दिन कोरिया सहमत भएपछि सोमबार बसेको मन्त्रिपरिषद्को बैठकले नेपालीहरु कोरिया जानसक्ने निर्णय गरेको थियो।
प्रतिक्रिया