२ सय २१ वटा सेयरको मूल्य घट्यो

सेयरबजारमा सोमबार गिरावट आएको छ। 

सेयरबजार परिसूचक २७ सयबाट झरेको दिन कारोबार भने साढे ५ अर्ब रुपैयाँको भएको छ। 

नेपाल स्टक एक्सचेन्जका अनुसार लगानीकर्ताले १ करोड कित्ता सेयर बिक्रीमा ५ अर्ब ६५ करोड रुपैयाँको कारोबार गरेका हुन्। 

यस दिन २३ वटा सेयर मात्रै बढेका छन् भने २२१ वटा सेयरको मूल्य घटेको छ। 

आज २३ मध्ये सबैभन्दा बढी बुटवल पावर कम्पनीको ६.७५ प्रतिशतले बढ्नेबाहेक अन्य सेयरको मूल्य उल्लेखनीय रुपमा बढेको छैन। गिरावटतर्फ पनि हिमालयन पावर पार्टनर्सको सेयर ५.३५ प्रतिशतले घटेको छ। यो नै सर्वाधिक दरको गिरावट हो। अर्थात् घटबढमा त्यस्तो ठूलो दर देखिएको छैन। 

कारोबारतर्फ हिमालयन रि इन्स्योरेन्सको ५० करोडको कारोबार भएको छ। दोस्रो स्थानमा रहेको एनआरएन इन्फ्रास्ट्रक्चर एन्ड डेभलपमेन्टको ४३ करोड, नेपाली पुनर्बीमाको ३३ करोडको कारोबार भएको छ।