ad ad

कारोबार


अर्थसचिवको जिम्मेवारी पनि कृष्णहरिलाई, मरासिनी प्रधानमन्त्री कार्यालयमा

अर्थसचिवको जिम्मेवारी पनि कृष्णहरिलाई, मरासिनी प्रधानमन्त्री कार्यालयमा

नेपालखबर
साउन १९, २०७९ बिहिबार १७:१६, काठमाडौँ

सरकारले अर्थसचिव मधुकुमार मरासिनीलाई प्रधानमन्त्री तथा मन्त्रिपरिषद्को कार्यालयमा सरुवा गरेको छ। 

बिहीबार बसेको मन्त्रिपरिषद् बैठकले मरासिनीलाई सरुवा गर्दै हालका राजस्व सचिव कृष्णहरि पुष्करलाई अर्थसचिवको जिम्मेवारी पनि सुम्पिएको हो। 

अर्थ मन्त्रालयमा अर्थ र राजस्व गरी दुई सचिव हुन्छन्। अर्थका मरासिनी प्रधानमन्त्री कार्यालय गएसँगै त्यो जिम्मेवारी पनि तत्काललाई पुष्करलाई दिइएको हो। 

अर्थमन्त्रीमा जनार्दन शर्मा नै पुन: नियुक्त भएसँगै अर्थसचिवमा फेरबदल हुने आकलन गरिएको थियो।

बजेट विवादमा तानिएपछि राजीनामा दिए पनि संसदीय विशेष छानबिन समितिले उनीविरुद्धको आरोपमा कुनै कैफियत नभेटेको प्रतिवेदन सभामुख अग्नि सापकोटालाई दिएको थियो।

त्यससँगै प्रधानमन्त्री शेरबहादुर देउवाले शर्मालाई नै अर्थमन्त्रीमा नियुक्त गरेका थिए। शर्माले साउन १५ देखि अर्थमन्त्रीको कार्यभार सम्हालिरहेका छन्। मरासिनीमाथि शर्माले आफूमाथि आरोप लाग्दा बचाउ नगरेको गुनासो गर्दै आएका थिए। 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .