सहरमा बस्ने नेपालीको जनसंख्या ६६ प्रतिशत रहेको तथ्यांक सार्वजनिक भएको छ। केन्द्रीय तथ्यांक विभागले सार्वजनिक गरेको २०७८ सालको नेपालको जनगणनाअनुसार सहरी जनसंख्या ह्वात्तै बढेको हो।
२०६८ सालमा सहरी जनसंख्या १७.०७ प्रतिशतमा रहेकोमा अहिले ६६.०८ प्रतिशत पुगेको हो।
ग्रामीण जनसंख्या ३३.९२ प्रतिशतमा झरेको छ। १० वर्षअघि ग्रामीण जनसंख्या ८२.९३ प्रतिशत थियो।
नेपाल सरकारबाट घोषित २९३ नगरपालिकामा रहेको जनसंख्यालाई सहरी र ४६० गाउँपालिकामा रहेको जनसंख्यालाई ग्रामीण जनसंख्या मानी तथ्यांक सार्वजनिक गरेको छ।
संघीय संरचनापछि स्थानीय तहलाई सहरी र ग्रामीण क्षेत्र अनुसार वर्गीकरण गरी २०६८ सालको जनसंख्यालाई समायोजन गर्दा सहरी जनसंख्या ६३.१९ प्रतिशत र ग्रामीण जनसंख्या ३६.८१ पुगेको थियो।
207
Shares
प्रतिक्रिया