दराजको नयाँ लोगो अनावरण

इ-कमर्स प्लेटफर्म, दराजले आज आफ्नो नयाँ ब्रान्ड लोगो अनावरण गरेको छ।  

दराज समूहका संस्थापक र सीईओ बियार्के मिक्केलसनले आजको नयाँ ब्रान्डको सुरुवातले व्यवसायको लागि एक रोमाञ्चक पाइला सुरु भएको बताएका छन्। 

‘विगत सात वर्षमा दराजले धेरै विकास गरेको छ र हामी हाम्रो यात्राको अर्को अध्यायमा अघि बढ्दै जाँदा, कसरी ग्राहकको अनुभवलाई उल्लेखनीय रूपमा वृद्धि गर्न व्यवसायको रूपमा गियरहरू परिवर्तन गर्दैछौं भनेर देखाउनको लागि ब्रान्डको विकास गर्ने यो सही समय हो’ उनले भने।

‘ब्रान्डको नयाँ रूप र अनुभूतिले अझै पनि हाम्रो डिएनए – प्रगति, नवीनता, अन्वेषण, र आविष्कारको अंश रहेको तत्वहरूलाई प्रतिनिधित्व गर्दछ। एकै समयमा, यसले व्यक्तिगत अनुभवमा परिवर्तनको सङ्केत गर्छ जसले हामीलाई हाम्रो प्लेटफर्ममा खरिदकर्ता र बिक्रेता दुवैसँग अझ बढी कनेक्टिभिटी सिर्जना गर्न अनुमति दिनेछ’ मिक्केलसनले भने।

कम्पनीका अनुसार दक्षिण एसियाका पाँचवटा बजारहरू – पाकिस्तान, बंगलादेश, श्रीलंका, नेपाल र म्यानमारमा इ–कमर्सलाई मानिसहरूको दैनिक जीवनको मुख्य भाग बनाउने दराजको महत्वाकांक्षा यो नयाँ ब्रान्डको मुख्य चालकहरू मध्ये एक हो।

‘हामी यो महत्वाकांक्षा हासिल गर्न हामीले थप व्यक्तिगत अनुभवहरू सिर्जना गर्न, ग्राहक यात्राको प्रत्येक चरणमा गुणस्तरीय उत्पादन र सेवाहरू डेलिभर गर्ने सुनिश्चित गर्न र हाम्रा ग्राहकहरूको लागि मनोरञ्जन र संलग्नताका नयाँ अवसरहरू सिर्जना गर्न आवश्यक छ भनी बुझ्दछौं। यो रिब्रान्डले  हामीलाई यी महत्त्वपूर्ण क्षेत्रहरूमा हाम्रो प्रस्तावलाई माथि उठाउन र विकास गर्न मद्दत गर्नमा महत्त्वपूर्ण भूमिका खेल्नेछ’ मिक्केलसनले थपे। 

रिब्रान्डको विभिन्न पक्षहरू मद्दे एक उल्लेखनीय परिवर्तन भनेको दराजको लोगो हो – यो नयाँ लोगोले एउटा प्याकेजलाई प्रतिनिधित्व गर्दछ जुन ई–कमर्स प्लेटफर्मले एसएमई विक्रेताहरूलाई ग्राहकहरूसँग भौतिक रूपमा कसरी जडान गर्दछ भन्ने प्रतिकात्मक छ। लोगोको केन्द्रमा एउटा तीर छ जुन प्रगति र द्रुत डेलिभरीमा केन्द्रित छ, तर प्रयोगकर्ताहरूका लागि थप गतिशील सामग्री अनुभव सिर्जना गर्न दराज कसरी निरन्तर नवप्रवर्तन गरिरहेको छ भन्ने प्रतीक ‘प्ले बटन’ जस्तै पनि देखिन्छ। 

रिब्रान्डिङका साथै दराज नेपालले आँचल कुँवरलाई नयाँ प्रबन्ध निर्देशक (एमडी) नियुक्त गरेको छ। वर्तमान एमडी लिनो अहलेरिङ यस महिनाको अन्त्यमा सिंगापुरको दराज मुख्यालयमा क्षेत्रीय भूमिकामा सर्ने बित्तिकै आँचलले पदभार ग्रहण गर्ने कम्पनीले जनाएको छ।