युनिकोड
इन्टरनेट र मोबाइलबाटै बैंकिङ कारोबार गर्न सकिने सुविधासँगै पछिल्लो समय यी दुईबाट कारोबार ह्वात्तै बढेको छ।
नेपाल राष्ट्र बैंकले सार्वजनिक गरेको कात्तिक र मंसिरको तथ्यांकले यही देखाउँछ।
तथ्यांकअनुसार कात्तिकमा २ लाख ५० हजार १ सय ७७ पटक भएको इन्टरनेट बैंकिङ कारोबार मंसिरमा २ लाख ५३ हजार २ सय ४५ पुगेको छ।
इन्टरनेट बैंकिङबाट कात्तिकमा ११ अर्ब ८३ करोड २० लाख रुपैयाँ र मंसिरमा १२ अर्ब ७३ करोड ५० लाख रुपैयाँको कारोबार भएको छ।
त्यसैगरी कात्तिक महिनामा मोबाइल बैंकिङ कारोबार १ करोड २६ लाख १५ हजार ६ सय ३७ र मंसिरमा १ करोड ३० लाख ६४ हजार ६ सय ८४ पटक भएको छ।
मोबाइल बैंकिङबाट कात्तिकमा ७८ अर्ब १५ करोड ७० लाख र मंसिरमा ८८ अर्ब ५३ करोड १० लाख रुपैयाँको कारोबार भएको छ।
यसरी हेर्दा इन्टरनेट बैंकिङ र मोबाइल बैंकिङबाट कात्तिकमा झण्डै ९० अर्बको कारोबार भएकोमा मंसिरमा यस्तो कारोबार रकम १ खर्ब नाघेको राष्ट्र बैंकले जनाएको छ।
प्रतिक्रिया