युनिकोड
भारत सरकारले यस आर्थिक वर्षमा अमेरिकाबाट ३० प्रिडेटर ड्रोन किन्न सक्नेछ, जसको लागत भारु २२ हजार करोड (अर्थात् नेपाली रुपैयाँ ३५ हजार २ सय करोड) हुनेछ।
समाचार एजेन्सी पीटीआईले स्रोतलाई उद्धृत गर्दै यो जानकारी दिएको हो।
साथै पीटीआईको दाबीअनुसार एयर–टु–सफेस मिसाइलले सुसज्जित एमक्यू–९बी लङ इन्डुरेन्स ड्रोन खरिद गर्ने प्रस्ताव रक्षा अधिग्रहण परिषदमा आगामी केही हप्तामा पारित हुन सक्छ, त्यसपछि यसलाई प्रधानमन्त्रीको अध्यक्षतामा सुरक्षासम्बन्धी मन्त्रिपरिषद् समितिमा लगिनेछ।
नौसेनाका उपप्रमुख भाइस एडमिरल सतिश नामदेव घोर्माडेले छिट्टै रक्षा खरिद परिषद्मा प्रस्ताव राख्ने बताएका छन्।
अमेरिकी कम्पनी जनरल एटोमिक्सले बनाएका यी ड्रोन दुर्गम स्थानबाट सञ्चालन गर्न सकिन्छ। यसका साथै यी ड्रोन झन्डै ३५ घण्टासम्म हावामा रहन सक्छन्।
यी ड्राेन निगरानी, टोही मिसन, गुप्तचर भेला र शत्रुका स्थान विनाशका लागि प्रयोग गर्न सकिन्छ।
प्रतिक्रिया