युनिकोड
तलब भत्ताबाहेक सरकारले बजेट निकासा पूर्ण रुपमा रोकेको छ।
महालेखा नियन्त्रकको कार्यालयले एक सूचना जारी गर्दै चालू आर्थिक वर्षको बजेटबाट तलब भत्ता र निवृत्तिभरणबाहेकको कुनै पनि निकासा रोक्ने निर्णय भएको जानकारी गराएको छ।
महालेखाले सार्वजनिक गरेको सूचनामा भनिएको छ, ‘निवृत्तिभरण र तलबभत्ताबाहेकको कुनै पनि बजेट निकासा बिहीबारदेखि शनिबारसम्म नगर्न नगराउनुहुन अुनरोध छ।’
कोष तथा लेखा नियन्त्रक कार्यालयहरु, प्रदेश लेखा नियन्त्रक कार्यालयहरु र प्रदेश लेखा इकाइ कार्यालयहरु सबैलाई निकासा रोक्न महालेखा नियन्त्रकको कार्यालयले भनेको हो।
सरकारले बजेट संशोधन गर्न चाहेको छ। जसअनुसार अर्थ मन्त्रालयले प्रतिस्थापन विधेयक समेत तयार गरिसकेको छ।
जुन विधेयक सरकारले संसदमा नै पेस गर्ने चरणमा पुगेको जानाएको छ। अर्थ मन्त्रालय स्रोतका अनुसार शुक्रबार उक्त विधेयक संसदमा पेश गरिने योजना छ।
प्रतिक्रिया