युनिकोड
नबिल बैंकले ऋण कर्जाको लागि अनलाइन बाटै आवेदन गर्न मिल्ने व्यवस्था सुचारु गरेको छ।
इच्छुक ग्राहकले बैंकको वेबसाइटमा गई साना तथा मझाैला ऋण कर्जाको लागि अनलाइन आवेदन दिन सक्ने बैंकले जनाएको छ। यो सुबिधा बैंकलाई डिजिटल बैंकमा रूपान्तरण गर्ने उद्देश्य अनुरूप गरिएको बैंकको भनाई छ। ग्राहकले आफूले चाहेको समय, स्थान र उपकरणमा बैंकिङ सेवाहरूको प्रयोग गर्न सक्नेछन्।
बैंकले आधिकारिक वेबसाइट मार्फत ऋण कर्जाको लागि आवेदन दिने सिमित ग्राहकहरूलाई सेवा शुल्कमा छुटको व्यवस्था पनि गरेको छ। यो सुविधा बैंकद्वारा जारी अभियान ‘नबिल बैंक– गो डिजिटल प्रोग्राम, डिजिटल कारोबार आजको आवश्यकता’ अनुरूप रहेको छ।
देशभर १३५ वटा शाखा कार्यलयहरु, १८३ एटीएम र १५०० भन्दा धेरै नबिल रेमिट एजेन्टहरू सहित विभिन्न देशमा रहेका एजेन्टहरुको बृहत सञ्जाल मार्फत नबिल बैंकले सेवा उपलब्ध गराएको छ।
प्रतिक्रिया