युनिकोड
सल्यानमा एसिड छ्यापेको आरोपमा एक जनालाई प्रहरीले पक्राउ गरेको छ।
आफ्नै ३ जना नातेदारलाई एसिड छ्यापेको अभियोगमा सल्यानको दार्मा गाउँपालिका–३, चम्फुटाकुरा बस्ने ५० वर्षीय बेचे रावतलाई प्रहरीले सोमबार साँझ पक्राउ गरेको हाे।
प्रहरीका अनुसार रावतले मादक पदार्थ पिई लेनदेन विवादमा एसिड छ्याप्दा सोही ठाउँस्थित आफ्नै पसलमा बसिरहेका उनकै भाइसमेत ३ जना घाइते भएका हुन्।
खबर पाउनासाथ इलाका प्रहरी कार्यालय (दार्मा) बाट खटिएको प्रहरीले उनलाई एसिडसहित पक्राउ गरेको हो। तीनै जना घाइतेलाई उपचारका लागि नेपालगन्जतर्फ पठाइएको छ।
घटनाबारे प्रहरीले थप अनुसन्धान गरिरहेको छ।
प्रतिक्रिया