चीनले २०२० सम्ममा बेइडु नेटवर्कमार्फत स्याटेलाइट नेभिगेसन सेवा दिने



चीनले सन् २०२० सम्ममा विश्वव्यापी स्याटेलाइट नेभिगेसन सेवा पनि दिने घोषणा गरेको छ। यसका लागि उसले ३५ ओटा स्याटेलाइटको बेइडु नेटवर्क बनाउने घोषणा गरेको छ। ‘स्टेट काउन्सिल इन्फरमेसन’ले मंगलबार जारी गरेको श्वेतपत्रमा चीनले अन्तरीक्षसम्बन्धी महत्वकांक्षी कार्यक्रम घोषणा गरेको हो।

बेइडु नेटवर्कमार्फत सिल्क रोड इकोनोमिक बेल्टका देशहरुलाई आधारभूत सेवा उपलब्ध गराउने योजना चीनले बनाएको छ। उसले बेइडु २ को क्षमतामा निरन्तर अभिवृद्धि गर्ने पनि जनाएको छ।

त्यसैगरी चीनले चन्द्रमाको सतहमा देखिने अँध्यारो पाटोमा ‘सफ्ट ल्यान्डिङ’ गर्ने पहिलो देश बन्ने योजना अघि सारेको छ। उसले सन् २०१८ सम्ममा चन्द्र अन्वेषण परियोजना प्रक्षेपण गर्ने जनाएको हो। चीनले चन्द्रमामा अनुसन्धान गर्ने परियोजनालाई ५ वर्ष निरन्तरता दिने र विभिन्न नमुना संकलन गर्ने ‘२०१६ मा चीनको अन्तरीक्ष क्रियाकलाप’नामक श्वेतपत्रमा जनाइएको छ। चीनले चन्द्रमामा यसअघि नै रोभर उतारिसकेको छ।

चीनले सन् २०२० सम्ममा आफ्नो पहिलो मंगल अन्वेषण परियोजना सुरु गर्ने बताएको छ। ‘मंगल ग्रहको परिक्रमा, अवतरण र अन्वेषणका लागि आवश्यक प्रविधिलाई बुझ्ने र आफ्नो पहिलो मंगल अन्वेषण अभियानलाई कार्यरुप दिने सोचमा छ,’ श्वेतपत्रमा भनिएको छ।

त्यसैगरी चीनले सन् २०२२ सम्ममा स्थायी अन्तरीक्ष स्टेसन बनाउने योजना पनि बनाएको छ। एजेन्सी

प्रकाशित १२ पुस २०७३, मंगलबार | 2016-12-27 17:15:03

प्रतिकृया दिनुहोस

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • दुर्घटनाका घाइतेको उपचार भएन मनिपालमा

    उपचार लागि मनिपाल मेडिकल कलेज पुर्याइएका मुस्ताङका बस दुर्घटनाका घाइतेले उपचार नपाइ फर्कनु परेको छ। चिकित्सकको आन्दोलनका कारण मेडिकल कलेजबाट बिरामी...

  • लगानी बोर्डको कार्यालय

    ३० नयाँ परियोजनाको सम्भाव्यता अध्ययन सुरु

    लगानी बोर्डले ३० वटा नयाँ परियोनाको अध्ययन सुरु गरेको छ। पूर्वाधार, उद्योग, कृषिक्षेत्र, सूचना प्रविधिलगायत ३० वटा परियोजनाको अध्ययन सुरु गरेको...

  • उज्यालोका उस्ताद अर्थात् गोविन्द सर

    जन्मँदै आँखाको ज्योति नलिई आएको यौटा मान्छेको जीवनमा के सपना होला? उसले भविष्यका लागि के–के योजना बुन्ला? त्यस्ता व्यक्ति सायदै भेटिएलान्, जो...

  • मुस्ताङ यात्रामा पूर्वप्रधानमन्त्री भट्टराई र छोरी मानुषी

    छोरी मानुषीलाई बाबुराम भट्टराईको युद्धकालीन चिठी

    पूर्वप्रधानमन्त्री तथा नयाँ शक्ति पार्टीका संयोजक डा. बाबुराम भट्टराईले दश वर्ष लामो सशस्त्र युद्धमा आफू भूमिगत हुँदा एक मात्र छोरी मानुषी यमि...