पुस्तकालयको लागि फेसबुकबाट जुट्यो तीन लाख रुपैंया



धवलागिरि अञ्चलकै जेठो विद्यामन्दिर पुस्तकालयको संस्थागत विकासका लागि फेसबुकका माध्यमबाट रु तीन लाखभन्दा बढी रकम सङ्कलन भएको छ। तीन महिनाअघि ‘एक व्यक्ति एक हजार’ अभियान चलाएको पुस्तकालयले हालसम्म तीन लाख १० हजार पाँचसय २१ रुपैयाँ उठेको जनाएको छ।

विसं २००३ सालमा स्थापित पुस्तकालयले सामाजिक सञ्जाल फेसबुकमार्फत अभियानको प्रवद्र्धन गरिरहेको छ। रु १० लाखको संस्थागत विकास कोष खडा गर्न आर्थिक अभियान चलाइएको पुस्तकालयका अध्यक्ष राजेशचन्द्र राजभण्डारीले बताए।

‘एक व्यक्ति एक हजार’ अभियानमा देश–विदेशबाट सयौँ व्यक्ति जोडिनुभएको छ’, अध्यक्ष राजभण्डारीले भने,‘कतिपयले स्वेच्छिक रुपमा बढी रकम पनि सहयोग गर्नुभएको छ।’

अभियानका बारेमा पुस्तकालयले फेसबुकमा सूचना÷विवरण राखेपछि पुस्तकालयप्रेमीले स्वतःस्फूर्त रुपमा सहयोग गर्न थालेका थिए। सहयोगदाताको तस्बिर र सहयोग रकम पनि फेसबुकबाटै सार्वजनिक हुने हुँदा अरूलाई समेत प्रेरित गरेको पुस्तकालयका सचिव राम थापा ‘अविरल’ले बताए। ‘न्यूनतम एक हजार दिने सहयोगदातालाई प्रशंसापत्र पनि दिने गरेका छौँ’, सचिव थापाले भने।

फेसबुकमा अरूले गरेको सहयोग देखेर नै आर्थिक अभियानमा जोडिनेको सङ्ख्या बढेको उनको भनाइ छ। सहयोग गर्नेमा वैदेशिक रोजगारमा गएका बागलुङवासी बढी छन्। आउँदो छ महिनाभित्र अभियानबाट संस्थागत विकास कोषको रकम रु १० लाख पु¥याइने भएको छ।

कम सहयोग लिने तर धेरै जनाबाट लिने उद्देश्यले ‘एक व्यक्ति एक हजार’ अभियान चलाएको पुस्तकालयले जनाएको छ। प्रविधिको विकास र पाठकको मागलाई दृष्टिगत गरी पुस्तकालयले गत वैशाखदेखि विद्युतीय पुस्तकालय पनि सञ्चालनमा ल्याएको छ।

‘इतिहास बोकेको पुस्तकालय आर्थिक समस्यामा पर्न थालेपछि आर्थिक अभियान सुरु गरेका हौँ’, अध्यक्ष राजभण्डारीले जानकारी दिए। हाल पुस्तकालयमा रु पाँच लाख जतिको अक्षयकोष छ।

पुस्तकालय र सँगै सञ्चालनमा रहेको बाल विकास केन्द्र सञ्चालनमा व्यवस्थापनले समस्या झेल्दै आएको । पछिल्लो समय पाठकको सङ्ख्यामा समेत ह्रास आउन थालेपछि पुस्तकालयले विभिन्न क्षेत्रबाट सहयोग जुटाएर विद्युतीय पुस्तकालय सञ्चालन गरेको हो। विद्युतीय पुस्तकालय सञ्चालनमा आएपछि विद्यार्थी र पाठकको सङ्ख्या वृद्धि भएको जनाइएको छ।

पुस्तकालयको आम्दानीले कर्मचारी र अन्य व्यवस्थापन खर्च जुटाउन धौ–धौ परेपछि आन्तरिक कोष बढाउन लागिएको हो। विद्युतीय पुस्तकालय सञ्चालन, व्यवस्थापन र अन्य कार्य गर्न संस्थागत विकास कोषलाई प्रयोगमा ल्याइनेछ। विभिन्न भाषा र विधाका गरी १४ हजारभन्दा बढी पुस्तक पुस्तकालयमा सङ्ग्रहित छन्। रासस

प्रकाशित ३० मंसिर २०७३, बिहिबार | 2016-12-15 10:02:48

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • निर्वाचन आयोग

    मतदानको सम्पूर्ण तयारी भएको आयोगको जानकारी, सुरक्षा व्यवस्था अझै कडा

    १४ असारमा हुने स्थानीय तहको दोस्रो चरणको निर्वाचनका लागि निर्वाचन आयोगले सबै तयारी पुरा भएको जनाएको छ। स्थानीय तहको दोस्रो चरणको निर्वाचनले प्रदेश...

  • दोस्रो चरणः यी हुन् आकर्षणका आठ इकाई

    असार १४ मा हुने स्थानीय तहको दोस्रो चरणको निर्वाचनका ३ सय ३४ इकाई निर्वाचनमा सहभागी दल र उम्मेदवारका निम्ति त्यत्तिकै महत्वूर्ण छन्। तर,...

  • विराटनगरमा भीमको बाचाः भोटको बदलामा समृद्धि

    शुक्रबार एकाबिहानै विराटनगर महानगरपालिका–३ को राजवंशी चोकमा रहेको पिपलको रुखमुनि उभिएर भीम पराजुली करिब सयको संख्यामा उपस्थित स्थानीय मतदातालाई...

  • गोठाले मन्त्रदेखि तालमेल भत्काउने प्रयत्नसम्म

    ‘कांग्रेसको एक्लौटी नेतृत्व भएको ठाउँमा मेरो इन्चार्जसिपमा बुटवल नगरपालिका हामीले जित्यौ, अहिले त म आफैं छु’ उनले सुनाए ‘तालमेलले केही फरक पार्दैन,...